كەشەننىڭ اشىلۋىنا ۇيىتقى بولعان الماتى قالاسى ىسكەر ايەلدەر قاۋىمداستىعىنىڭ مۇشەسى شىنار بۇگىمباەۆانىڭ ايتۋىنشا, جوبا بالالاردىڭ سالاماتتى ءومىر سۇرۋىنە باعىتتالعان. بۇگىندە مىڭنان استام ايەلدى, ولاردىڭ قاتارىندا كوپبالالى انالاردى جۇمىسپەن قامتىپ وتىرعان «Qaganat» جەلىسىنىڭ جەتەكشىسى, ءتورت بالانىڭ اناسى شىنار بۇگىمباەۆا سوڭعى جىلداردا قارقىندى دامىپ كەلە جاتقان ناۋرىزباي اۋدانىندا سالىنعان سپورت كەشەنىندە بالالار ءۇشىن سپورتپەن اينالىسۋعا تولىققاندى جاعداي جاسالعاندىعىن اتاپ ءوتتى.
كەشەننىڭ اشىلۋ سالتاناتىنا «قازاقستان بارىسى» ءتۋرنيرىنىڭ العاشقى جەڭىمپازى ۇلان رىسقۇل مەن دزيۋدودان ازيا جۇلدەگەرى ەلدوس جۇماحانوۆ قاتىسىپ, جاس سپورتشىلارعا ساتتىلىك تىلەدى. الماتى قالاسى كاسىپكەرلەر پالاتاسىنىڭ وكىلى نياز جالعاس ۇلى بالالاردىڭ الاڭسىز سپورتپەن اينالىسۋى ءۇشىن مۇنداي نىسانداردىڭ اسا قاجەت ەكەنىن اتاپ ءوتتى. «جاڭا نىسانداردىڭ بوي كوتەرۋى قالادا جاڭا جۇمىس ورىندارىنىڭ اشىلۋىنا ىقپال ەتەدى. سوندىقتان بەلسەندى كاسىپكەرلەردى قۇپتاي وتىرىپ, ءاردايىم كەڭەس بەرۋگە دايىنبىز», دەدى ن.جالعاس ۇلى.
ەكى مىڭ شارشى مەتر اۋماقتى الىپ جاتقان كەشەندە ءۇش ۇلكەن, ءۇش شاعىن زال, سونىمەن بىرگە بالالار تاماقتاناتىن اسحانا بار.
الماتى
