ورتالىق سايلاۋ كوميسسياسىنىڭ وتىرىسىندا نۇرلان ءابدىروۆ 2023 جىلدىڭ 14 قاڭتارىندا وتەتىن سەنات دەپۋتاتتىعىنا سايلاۋعا قاتىساتىن كانديداتتار سانىن جاريالادى، دەپ حابارلايدى Egemen.kz.
وسك باسشىسىنىڭ ايتۋىنشا، سايلاۋ كوميسسيالارى ۇسىنعان مالىمەتتەرگە سايكەس، بيۋللەتەندەرگە 55 كانديدات ەنگىزىلگەن.
«الماتى قالاسىنان ءتورت ۇمىتكەر، الماتى، جەتىسۋ، جامبىل، پاۆلودار، سولتۇستىك قازاقستان، تۇركىستان وبلىستارىنىڭ ارقايسىسىنان ەكى ۇمىتكەردەن، قالعان استانا، الماتى جانە شىمكەنت قالالارىنان ءۇش كانديداتتان تىركەلدى»، دەدى نۇرلان ءابدىروۆ.
ول رەسپۋبليكا بويىنشا سايلاۋشىلار تىزىمىنە 3 168 ءماسليحات دەپۋتاتى ەنگىزىلگەنىن، ولاردىڭ ايتارلىقتاي بولىگى تۇركىستان وبلىسىندا (317 سايلاۋشى) جانە قوستاناي وبلىسىندا (263 سايلاۋشى) ەكەنىن قوسا ايتتى.
«ازاماتتاردىڭ ءومىرىن قامتاماسىز ەتۋ جانە قورعاۋ ماقساتىندا دەپۋتاتتاردىڭ سايلاۋ ناۋقانىنىڭ بارلىق كەزەڭدەرىندە قازاقستان رەسپۋبليكاسى پارلامەنتى سەناتىنىڭ سايلاۋ كوميسسيالارى باس مەملەكەتتىك دارىگەردىڭ ۇسىنىستارىن باسشىلىققا الدى»، دەدى وسك باسشىسى.
ءوز كەزەگىندە باس مەملەكەتتىك سانيتارلىق دارىگەر ايجان ەسماعامبەتوۆا كوروناۆيرۋس، تۇماۋ جانە جرۆي اۋرۋىنىڭ جاي-كۇيى بويىنشا قولايسىز سانيتارلىق-ەپيدەميولوگيالىق جاعدايعا بايلانىستى سايلاۋدى كەڭ بولمەلەردە جانە سايلاۋشىلاردا مەديتسينالىق ماسكالار بولعان جاعدايدا وتكىزۋدى ۇسىندى.
ەسكە سالا كەتسەك، 2022 جىلدىڭ 26 قاراشاسىندا قاسىم-جومارت توقاەۆ «قازاقستان رەسپۋبليكاسى پارلامەنتى سەناتى دەپۋتاتتارىنىڭ سايلاۋىن 2023 جىلدىڭ 14 قاڭتارىندا وتكىزۋ تۋرالى» جارلىققا قول قويعان ەدى.
جانقوش تۇراروۆ الەم چەمپيونى اتاندى
سپورت • كەشە
«قاجىمۇقاننىڭ ءىنىسى». تۇيە كوتەرگەن پالۋان
قوعام • كەشە
تازى اسىراۋشى پرەزيدەنتكە ناۋرىز ەسىمدى كۇشىكتى سىيعا بەردى
پرەزيدەنت • كەشە
رامازان ايىندا قاي اۆتوبۋستار تەگىن قاتىنايدى؟
قوعام • كەشە
استانا قالاسى بويىنشا قازىناشىلىق دەپارتامەنتىنە جاڭا باسشى تاعايىندالدى
تاعايىنداۋ • كەشە
ۇقساس جاڭالىقتار
