12 قاڭتار كۇنى تاڭەرتەڭ قار كۇرەۋ جۇمىسىنا ەكى مىڭعا جۋىق جول جۇمىسشىسى مەن مىڭنان استام ارنايى تەحنيكا جۇمىلدىرىلدى.
وتكەن تۇندە قالادان 21 مىڭ تەكشە مەتردەن استام قار نەمەسە 1 568 جۇك كولىگى شىعارىلدى.
قىس مەزگىلى باستالعالى بەرى پوليگوندارعا بارلىعى 1,8 ملن تەكشە مەتردەن استام قار شىعارىلدى, بۇل 142 167 اۋىر جۇك كولەمىنە تەڭ.
قالاداعى نەگىزگى تروتۋارلار مەن كوشەلەردىڭ بارىنە كوكتايعاقتى بولدىرماۋ جانە تۇرعىنداردىڭ جايلى قوزعالىسى ءۇشىن قۇم-تۇز قوسپاسى سەبىلەدى.
ەستەرىڭىزگە سالا كەتەيىك, استانادا اپتانىڭ باسىنان بەرى قاتتى اياز ورناپ تۇر. ەلوردا تۇرعىندارى مەن قوناقتارى كوكتايعاق كەزىندە قاۋىپسىزدىك, قوزعالىس ەرەجەلەرىن قاتاڭ ساقتاۋى كەرەك, سونداي-اق دالادا ۇزاق ۋاقىت بولماۋعا كەڭەس بەرىلەدى.
