ء«بىلىم بەرۋدى دامىتۋدىڭ ماڭىزدى قۇرالى - ساپانى باعالاۋ. ەڭ ماڭىزدىلارىنىڭ ءبىرى - مەملەكەتتىك اتتەستاتتاۋ. سوڭعى 5 جىلدا مەملەكەتتىك اتتەستاتتاۋ وتكىزىلمەگەنى بارشاعا ءمالىم. ناتيجەسىندە ءبىلىم بەرۋ قىزمەتتەرىنىڭ ساپاسىنا شاعىم بىلدىرۋشىلەر سانى ارتقانىن بايقادىق. مەملەكەتتىك اتتەستاتتاۋ قايتا باستالدى, ول مەكتەپكە دەيىنگى, ورتا, تەحنيكالىق جانە كاسىپتىك ءبىلىم بەرۋ ۇيىمدارىنا بارماي-اق جاڭا فورماتتا وتكىزىلەدى», دەدى ءمينيسترى ۆەدومستۆو القاسىنىڭ وتىرىسىندا.
2022 جىلى 2 363 ۇيىمدا مەملەكەتتىك اتتەستاتتاۋ ءراسىمى ءوتتى. ونىڭ 77%-ى بىردەن اتتەستات الا الماعان. بۇل - اتىراۋ, اقتوبە, ۇلىتاۋ, اقمولا, بقو, قاراعاندى, تۇركىستان جانە الماتى وبلىستارىنداعى ۇيىمدار.
«مەكتەپتەر مەن كوللەدجدەردى ليتسەنزيالاۋ كەزىندە بىرقاتار ماسەلە تۋىندايدى. مۇنداعى ماسەلە - قۇجاتتاردى دۇرىس رەسىمدەمەۋ. 34 مەكتەپكە ليتسەنزياسىز ءبىلىم بەرۋ قىزمەتى ءۇشىن ايىپپۇل سالىندى. ليتسەنزياسىز بىردە-ءبىر مەكتەپ جۇمىس ىستەمەۋى ءتيىس», دەدى مينيستر.
