بۇعان دەيىن ۇلتتىق كومپانيا بارلاۋ جانە ءوندىرۋ بويىنشا جول كارتاسىن بەكىتكەن بولاتىن, ونىڭ اياسىندا رەسۋرستىق بازانى 700 ملرد تەكشە مەتردەن استام كولەمگە ارتتىرۋ جوسپارلانعان. «QazaqGaz ۇك» اق «تەگىس-مۇناي» جشس اكتيۆتەرى بويىنشا ساتىپ الۋ-ساتۋ مامىلەسىن جاسادى. ونىڭ قۇرامىنا «ماڭعىشلاق-مۇناي» جشس كىرەدى. ءوز كەزەگىندە, «ماڭعىشلاق-مۇناي» كومپانياسىنىڭ تۇركىستان وبلىسى پريدوروجنوە كەن ورنىندا گاز ءوندىرۋ بويىنشا جەر قويناۋىن پايدالانۋ قۇقىعى بار.
پريدوروجنوە كەن ورنى تۇركىستان وبلىسى سوزاق اۋدانىندا ورنالاسقان. كەن ورنى 1975 جىلى اشىلعان بولاتىن. مەملەكەتتىك كوميسسيا كەن ورنىندا تەرەڭدىگى 1 450 جانە 2 600 مەتردە, كولەمى 16,5 ملرد تەكشە مەتر گازدىڭ بار ەكەندىگىن انىقتاعان.
ەسكە سالايىق, «QazaqGaz» ۇك» اق «امانگەلدى گاز» كاسىپورنىن قايتا قۇرۋ ارقىلى «QazaqGaz بارلاۋ جانە ءوندىرۋ» بولىمشەسىن اشتى. «QazaqGaz» باسقارما توراعاسى سانجار جاركەشوۆتىڭ ايتۋىنشا, جەر قويناۋىن پايدالانۋ بويىنشا بارلىق جاڭا جوبا وسى «QazaqGaz بارلاۋ جانە ءوندىرۋ» قۇرىلىمىندا بولادى.
