ەربول قاراشوكەەۆتىڭ اقپاراتى بويىنشا بىلتىر جالپى اۋىل شارۋاشىلىعى ءونىمىنىڭ كولەمى 9,3 ترلن تەڭگەگە باعالاندى. كورسەتكىش 9,1%-عا ۇلعايعان. بۇل وسىمدىك شارۋاشىلىعى ءونىمىن ءوندىرۋدىڭ 15%-عا ۇلعايۋىنىڭ ناتيجەسىندە جۇزەگە اسىپ وتىر. قولايلى اۋا رايى ەگىن جيناۋ ناۋقانىن توقتاۋسىز وتكىزۋگە جانە 22,8 ميلليون توننا استىق جيناۋعا مۇمكىندىك بەردى. بۇل سوڭعى 10 جىلداعى ەڭ جاقسى استىق داقىلدارىنىڭ كورسەتكىشى بولىپ وتىر.
مال شارۋاشىلىعىندا جالپى ءونىمنىڭ كولەمى 0,9%-عا ۇلعايعان. بۇل 3,6 ترلن تەڭگەگە باعالاناتىن كورسەتكىش. مينيستر ەت ءوندىرۋ كولەمى تىرىدەي سالماقتا 0,4%-عا (شامامەن 2,2 مىڭ توننا), سيىر ءسۇتىن ءوندىرۋ كولەمى 2%-عا (6,3 مىڭ توننا), تاۋىق جۇمىرتقاسىن ءوندىرۋ كولەمى 4,4%-عا (5 ملن. دانا) وسكەنىن اتاپ ءوتتى.
وتكەن جىلى تاماق ونىمدەرىنىڭ ءوندىرىسى 3,9% ءوسۋ ديناميكاسىن كورسەتىپ, اقشالاي ەسەپتە 2,9 ترلن تەڭگەگە باعالانعان. ەلىمىزدە وسىمدىك مايى, قانت, جارما, ۇن, شۇجىق جانە ماكارون ونىمدەرى كوبىرەك وندىرىلە باستادى.
«2022 جىلى 241,3 ملرد تەڭگە سوماسىنا 267 جوبا پايدالانۋعا بەرىلدى. جوبالار سانى بويىنشا 2022 جىلعا ارنالعان جوسپار ورىندالدى. ناتيجەسىندە, ەسەپتى كەزەڭدە اۋىل شارۋاشىلىعىنىڭ نەگىزگى كاپيتالىنا سالىنعان ينۆەستيتسيالار كولەمى 6,9%-عا ۇلعايىپ, 855,7 ملرد تەڭگەگە تەڭەستىرىلگەن», دەدى ەربول قاراشوكەەۆ ۇكىمەت وتىرىسىندا.
