قازۇۋ ورتالىق ازياداعى ءبىرىنشى جوعارى وقۋ ورنى بولىپ تانىلدى

2023 جىلعى شىعارىلىمدا ءال-فارابي اتىنداعى قازۇۋ QS Asia University Rankings رەيتينگىندە ۇزدىك 6% قاتارىنا ەندى.

2009 جىلدان باستاپ جىل سايىن شىعارىلاتىن QS Asia University Rankings رەيتينگى جىل سايىن ازيانىڭ ۇزدىك ۋنيۆەرسيتەتتەرىن ءبولىپ كورسەتەدى. قازۇۋ «QS Asia University Rankings» رەيتينگىنە العاش رەت الەمگە ايگىلى سينگاپۋر ۇلتتىق ۋنيۆەرسيتەتى, پەكين ۋنيۆەرسيتەتى, توكيو ۋنيۆەرسيتەتى, مالاي ۋنيۆەرسيتەتى, كورەي ۋنيۆەرسيتەتتەرىمەن قاتار العاش رەت قاتىسىپ وتىر.

ازيانىڭ 2023 جىلعى ۇزدىك ۋنيۆەرسيتەتتەرىنىڭ رەيتينگى 757 ۋنيۆەرسيتەتتىڭ قىزمەتىن تالدادى. QS Asia University Rankings رەيتينگىن جاساۋ ءۇشىن پايدالانىلاتىن 11 كورسەتكىش مىناداي:

اكادەميالىق بەدەل (30%);

جۇمىس بەرۋشىنىڭ بەدەلى (20%);

وقىتۋشىلار مەن ستۋدەنتتەردىڭ اراقاتىناسى (10%);

حالىقارالىق زەرتتەۋ جەلىسى (10%);

ماقالاعا دايەكسوزدەر (10%) جانە وقىتۋشىلاردىڭ ماقالالارى (5%);

دوكتورلىق دارەجەسى بار پەرسونالدار (5%);

شەتەلدىك وقىتۋشىلاردىڭ ۇلەسى (2,5%) جانە شەتەلدىك ستۋدەنتتەردىڭ ۇلەسى (2,5%);

الماسۋ بويىنشا كەلگەن ستۋدەنتتەردىڭ ۇلەسى (2,5%) جانە الماسۋ بويىنشا كەتكەن ستۋدەنتتەردىڭ ۇلەسى (2,5%).

بۇل كورسەتكىشتىڭ بارلىعى ۇزدىك ۋنيۆەرسيتەت قىزمەتىن وبەكتيۆتى جانە تولىق سيپاتتايدى. جاھاندىق رەيتينگ ناتيجەلەرى بويىنشا ءال-فارابي اتىنداعى قازۇۋ جەتىستىكتەرىن ساراپتاي وتىرىپ, حالىقارالىق رەيتينگتەردە بىرتە-بىرتە جانە تۇراقتى ءوسۋدى كورسەتىپ, العا جىلجىپ كەلەدى.