ەركىن قادىربەك ۇلى احينجانوۆ قازاقستان رەسپۋبليكاسىنىڭ نورۆەگيا كورولدىگىندەگى توتەنشە جانە وكىلەتتى ەلشىسى لاۋازىمىنان بوساتىلىپ, قازاقستاننىڭ وڭتۇستىك افريكا رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى.
ول 1968 جىلدىڭ 28 قىركۇيەگىندە الماتى قالاسىندا تۋعان. 1992 جىلى الماتى پەداگوگيكالىق شەت تىلدەر ينستيتۋتىن بىتىرگەن.
1992 جىلى – قازاق مەملەكەتتىك ەكونوميكالىق ۋنيۆەرسيتەتىنىڭ اعىلشىن ءتىلى وقىتۋشىسى.
ءوزىنىڭ ديپلوماتيالىق مانسابىن 1993 جىلى قر ءسىم كونسۋلدىق باسقارماسىنىڭ رەفەرەنتى قىزمەتىنەن باستاعان.
1994-2005 جىلدارى قازاقستان ءسىم ورتالىق اپپاراتىندا, سونداي-اق ۇندىستانداعى قر ەلشىلىگىندە ءارتۇرلى لاۋازىمداردا جۇمىس ىستەدى.
2005 جىلى قر ءسىم جالپىەۋروپالىق ىنتىماقتاستىق دەپارتامەنتىنىڭ ديرەكتورى لاۋازىمىنا تاعايىندالدى.
2008-2009 جىلدارى قر ءسىم ەۋروپاداعى قاۋىپسىزدىك جانە ىنتىماقتاستىق ۇيىمى دەپارتامەنتىنىڭ ديرەكتورى بولدى.
2009-2011 جىلدارى ەقىۇ جانىنداعى قر تۇراقتى وكىلىنىڭ ورىنباسارى بولعان.
2011-2012 جىلدارى – ۆەناداعى حالىقارالىق ۇيىمدار جانىنداعى قر تۇراقتى وكىلىنىڭ ورىنباسارى.
2012-2014 جىلدارى قر ءسىم ەۋروپا دەپارتامەنتىنىڭ ديرەكتورى بولدى.
2014-2017 جىلدارى قازاقستاننىڭ اقش-تاعى ەلشىلىگىنىڭ كەڭەسشى-ۋاكىلى, 2017-2018 جىلدارى نيۋ-يوركتەگى بۇۇ جانىنداعى قر تۇراقتى وكىلىنىڭ ورىنباسارى بولدى.
قازاقستاننىڭ وڭتۇستىك افريكا رەسپۋبليكاسىنداعى ەلشىسى بولىپ تاعايىندالعانعا دەيىن 2019 جىلدىڭ ساۋىرىنەن باستاپ قازاقستاننىڭ نورۆەگياداعى ەلشىسى بولدى.
ايتا كەتسەك, ەركىن احينجانوۆ I سىنىپتى توتەنشە جانە وكىلەتتى ۋاكىل ديپلوماتيالىق دارەجەگە يە.
