2023 جىلدىڭ 1 قاڭتارىنان باستاپ قولدانىسقا ەنگەن اتاۋلى الەۋمەتتىك كومەك الاتىن وتباسىلاردىڭ بالالارىنا كورسەتىلەتىن كەپىلدىك بەرىلگەن الەۋمەتتىك توپتامانى مونەتيزاتسيالاۋ, اتا-انالارعا بالالاردىڭ جەكە قاجەتتىلىكتەرىنە قاراي كەرەكتى تاۋارلاردى ءوز بەتىنشە تاڭداۋعا مۇمكىندىك بەرەتىن بولادى.
2020 جىلعى قاڭتار ايىنان باستاپ اتاۋلى الەۋمەتتىك كومەك (ااك) الاتىن وتباسىلاردىڭ 1 جاستان 6 جاسقا دەيىنگى بالالارىنا ااك-كە قوسىمشا الەۋمەتتىك قولداۋ شاراسى رەتىندە ازىق-ت ۇلىك پەن تۇرمىستىق حيميا جيىنتىعى تۇرىندەگى كەپىلدىك بەرىلگەن الەۋمەتتىك توپتاما ۇسىنىلعانى بەلگىلى.
2022 جىلى الەۋمەتتىك كومەك الاتىن وتباسىنىڭ ءاربىر مۇشەسىنە, ياعني ءار بالاعا ااك-ءتىڭ ورتاشا مولشەرى 6 650 تەڭگەنى قۇرادى. تابىسى از وتباسىلاردىڭ بالالارىنا قوسىمشا ۇسىنىلاتىن ازىق-ت ۇلىك پەن تۇرمىستىق جيىنتىقتىڭ قۇنى 5 174 تەڭگە دەڭگەيىندە بەلگىلەندى.
بۇل رەتتە كەپىلدىك بەرىلگەن الەۋمەتتىك توپتامانى الۋشىلاردان وسى توپتامانى زاتتاي تۇردەن اقشالاي فورماتقا اۋىستىرۋ تۋرالى ۇسىنىستار ءجيى كەلىپ ءتۇستى.
كەپىلدىك بەرىلگەن الەۋمەتتىك توپتامانى الۋشىلاردىڭ ۇسىنىستارىن ەسكەرە وتىرىپ, 2023 جىلدان باستاپ كەپىلدىك بەرىلگەن الەۋمەتتىك توپتامانى مونەتيزاتسيالاۋ تۋرالى شەشىم قابىلداندى. مونەتيزاتسيا ااك الاتىن ءاربىر بالاعا اي سايىنعى نەگىزدە 1,5 ايلىق ەسەپتىك كورسەتكىش مولشەرىندە قوسىمشا اقشالاي تولەم تۇرىندە جۇزەگە اسىرىلدى. بۇل اتا-انالارعا بالالاردىڭ جەكە قاجەتتىلىكتەرىنە بايلانىستى قاجەتتى تاۋارلاردى ءوز بەتىنشە تاڭداۋعا مۇمكىندىك بەرەدى.
