– اقپاراتتىق-تەحنولوگيا تەك قازاقستان ەكونوميكاسىنىڭ شەڭبەرىندە دامىمايدى. بۇل – الەمدىك ءۇردىس. پرەزيدەنتىمىز اقش-قا بارعاندا «Digital Nomads» توبىمەن كەزدەستى. ولاردىڭ دەنى – كوپشىلىگى شەتەلدىك الپاۋىت كومپانيالاردا جۇمىس ىستەپ جاتقان قازاقتىڭ بالالارى. سولاردىڭ كوبى قازىر ءدارىس وقىپ, بىلىمدەرىمەن ءبولىسىپ ءجۇر. بۇل جاستاردىڭ ماقساتى – الدىڭعى قاتارلى ءبىلىمدى ءوزىمىزدىڭ جاستارىمىزعا جەتكىزۋ. ەگەر قازاقستاندىقتاردىڭ قايسىبىرى شەتەلگە كەتىپ جاتسا, مەن ايتقان وسى مىسالعا سايكەس قايتىپ كەلەدى, – دەدى ورتالىق كوممۋنيكاتسيالار الاڭىندا وتكەن بريفينگتە عىلىم جانە جوعارى ءبىلىم كوميتەتىنىڭ توراعاسى دارحان احمەد-زاكي.
سونداي-اق دارحان احمەد-زاكي قازاقستاندا تولىققاندى ءىت نارىق قالىپتاسقانىن اتاپ ءوتتى. الايدا ونىڭ سوزىنە قاراعاندا وتاندىق كوپتەگەن ءىت ماماندار بۇگىندە ەلىمىزدە كەڭ تارالعان بانك قوسىمشالارى مەن سولاردىڭ باعدارلامالىق قامتاماسىز ەتۋى بويىنشا جۇمىس ىستەدى. ال FAANG سەكىلدى كومپانيالار الەۋمەتتىك جەلىلەردىڭ قوسىمشالارىنا پايدالانۋشىلاردى كوپتەپ تارتاتىن يدەيا اۆتورلارىن وزىنە ماشىقتاپ, جاس مامانداردى تارتىپ جاتىر. ولار كوبىنە الەمدىك دەڭگەيدە وتكەن ءبىلىم وليمپيادالارىندا توپ جارعان قازاقستاندىقتاردى ىرىكتەپ الىپ, جۇمىس ۇسىنىپ وتىرعان جايى بار.
ماسەلەن, قازىر Snapchat-تىڭ اقش (سيەتل قالاسى) وكىلدىگىندە قىزمەت ەتىپ جاتقان قازاقستاندىق ءىت مامانى نۇرسۇلتان ءامىر FAANG-تى قوسا العاندا الەمدىك جەتەكشى كومپانيالارىنان جۇمىسقا 16 شاقىرتۋ العان.
ايتا كەتەلىك, FAANG – الەمدەگى ەڭ الپاۋىت تەحنولوگيالىق كومپانيالاردىڭ جيىنتىعى: Facebook, Apple, Amazon, Netflix جانە Google. بۇل كومپانيالاردىڭ نارىقتىق قۇندىلىعى 5 تريلليون دوللاردان اسادى. ءبىز كۇندەلىكتى وسىلاردىڭ ءموبيلدى قوسىمشالارىن قولدانامىز. ماسەلەن, Instagram, Youtube, IPhone وسى كومپانيالارعا تيەسىلى. كوپتەگەن ءىت ماماندارى وسى بەلگىلى ءارى بەلدى الپاۋىت مەكەمەلەردە جۇمىس ىستەۋدى ارماندايدى.
وسىنداي ارمانىن ماقسات ەتكەن نۇرسۇلتان دا بىردەن 5 الەمدىك ءىت-كومپانيانىڭ ۇسىنىسىنا قول جەتكىزگەن.
– ماعان Google, Amazon, Linkedin, Snapchat جانە Uber جۇمىس ۇسىندى. وسىلايشا, سوڭعى ءۇش جىلدا 16 جۇمىسقا شاقىرۋ الدىم. بۇل جولى جوعارىدا اتالعان بەسەۋدىڭ اراسىنان Snapchat كومپانياسىن تاڭدادىم. سناپچاتپەن بۇگىندە 350 ميلليونعا جۋىق ادام قولدانادى, – دەيدى ول.
بۇعان دەيىن نۇرسۇلتان 2019 جىلى امەريكالىق نۆو كومپانياسىندا پروگرامميست بولىپ 3 ايلىق تاجىريبەدەن وتكەن. العان اسەرىمەن بولىسكەن ول: «بۇل مەنىڭ اقش-تاعى العاشقى تاجىريبەم بولدى. الدىمەن ونداعى ستۋدەنتتەرگە تولەيتىن جالاقى مولشەرىنە تاڭعالدىم. ماعان ايىنا 7 500 دوللار تولەدى, ودان سالىقتى الىپ تاستاعاندا 6000 دوللار ءتۇسىپ ءجۇردى. قازاقستانداعى 400 دوللار جالاقىممەن سالىستىرعاندا, بۇل سوما ماعان سۇمدىق كوپ بولىپ كورىندى», دەدى.
Snapchat-تا نۇرسۇلتان باعدارلاماشى-ازىرلەۋشى (Software Engineer). ونىڭ كومانداسى AR جانە Monetization-مەن اينالىسادى.
– ءبىز پلاتفورمادا مونەتيزاتسيانى ارتتىراتىن جاڭا باعدارلامالار جاسايمىز. مىسالى, جارناما بەرۋشىلەرگە جارنامالاردىڭ جاڭا تۇرلەرىن جاساپ بەرەمىز. جۇمىستا الدىمەن توپتىق قارىم-قاتىناسقا باسا ءمان بەرىلەدى. ءوز الدىنا ارىپتەستىك بايلانىس, جىلى قارىم-قاتىناس قۇرۋعا باعىتتالعان ارنايى جۇمىس باعدارلاماسى بار. ولاردىڭ ءبىرى قىزمەتكەرلەردىڭ بەلگىلى ءبىر توبىنا قاتىستى تەرىس پىكىردى ازايتۋعا باعىتتالعان. مىسالى, بۇل جىنىسقا, ەتنيكالىق نەمەسە ناسىلگە بايلانىستى كەمسىتۋ بولۋى مۇمكىن. ماعان كومپانيا مەن باسشىلىقتىڭ وسىعان ءمان بەرگەنى ۇنادى. سونىمەن قاتار Snapchat Meta سياقتى تەگىن تاماق بەرمەيدى, بىراق ولار سپورتپەن اينالىسۋ ءۇشىن ءتۇرلى سپورت كلۋبتارىنا بونۋستار بەرەدى, ۇيالى تەلەفون مەن ينتەرنەت قىزمەتىن تولەيدى. جىلىنا بىرنەشە رەت ءبىز لوس-اندجەلەستەگى شتاب-پاتەردەگى كەڭسەدە كەزدەسەمىز. مۇندا بارلىق قىزمەتكەرلەر جينالىپ, شاعىن قۇرىلتاي ۇيىمداستىرىلادى. بۇل كوماندالىق جۇمىستىڭ قابىلەتىن ودان ءارى ارتتىرا تۇسەدى. سوندىقتان باسشىلىق بارلىعىنىڭ باسىن قوسىپ, پىكىر الماسۋدى ءجيى ۇيىمداستىرۋدى قولعا العان, – دەپ قىزمەتىنىڭ ارتىقشىلىقتارىن ءسوز ەتتى نۇرسۇلتان.
«جالپى ەلىمىزدە بولسىن, شەتەلدە بولسىن ءىت كومپانيالاردا جۇمىس ىستەۋ ءۇشىن الدىمەن جوسپار قۇرىپ, سول باعىت بويىنشا ارەكەت ەتۋ قاجەت», دەيدى نۇرسۇلتان. ول الەۋمەتتىك جەلىلەردەگى پاراقشالارىندا ۇنەمى وسى باعىتتاعى كەڭەستەرىن ايتىپ, تاجىريبەسىمەن ءبولىسىپ وتىرادى.
ونىڭ ايتۋىنشا كەز كەلگەن ءىت كومپانيا قىزمەتكەرلەرىن الدىمەن سۇحبات كەزىندەگى ءوزىن ءوزى ۇستاۋى, سۇراقتارعا جاۋاپ بەرۋىنە قاراي باعالايدى.
– سوندىقتان بەلگىلى ءبىر كومپانيادا سۇحبات قالاي وتەتىنىن, ولار قانداي تالاپ قوياتىنىن ءبىلىپ, سۇراپ العان ءجون. سونداي-اق الدىمەن كوزدەپ وتىرعان مەكەمەلەردىڭ ءتىزىمىن جاساپ, ولاردى زەرتتەپ الۋ قاجەت. سودان سوڭ عانا تۇيىندەمە جىبەرۋگە بولادى. جۇمىس بەرۋشىدەن جاۋاپ العاننان كەيىن سۇحبات پروتسەسى باستالادى. ءبىرىنشى كومپانيا باسشىلىعىمەن, سودان كەيىن ينجەنەرمەن تەحنيكالىق سۇحبات ۇيىمداستىرىلادى. ءتورت ساعاتتىق سۇحبات كەزىندە كوبىنەسە باعدارلامالاۋدى, كودتاۋدى جانە ينفورماتيكا تۇجىرىمدامالارىنا بايلانىستى ءبىلىم انىقتالادى, – دەگەن كەڭەسىن دە ايتتى نۇرسۇلتان.
ستاتيستيكاعا سۇيەنسەك, ەلدەگى ءىت ماماندار بانك قوسىمشالارىن ازىرلەۋمەن قاتار قازاقستانداعى بىرنەشە ۇيالى بايلانىس وپەراتورىندا قىزمەت ەتەدى. ولاردى ساقتاپ قالۋ ءۇشىن سايكەس جالاقى تولەنەدى. بۇل سالا جاستارىنىڭ كوبى شەتەل اسقانىمەن, ەلگە ورالىپ كەلىپ جاتقاندارى دا جوق ەمەس. ال Digital Nomads IT قوعامداستىعىندا بۇگىندە 400-گە جۋىق وكىل بار.
