ال جۋىردا وبلىستىق سانيتارلىق-ەپيدەميولوگيالىق دەپارتامەنت باسشىسىنىڭ ورىنباسارى ارمان كوشباسوۆ بىلتىرعى سايكەس مەرزىممەن سالىستىرعاندا ناۋقاستانعانداردىڭ بيىلعى ءوسىمى 1,6 ەسە دەپ جاريالادى. سونىڭ ىشىندە 260 ادام ەپيدەميالىق ماۋسىم باستالعان كەزدەن تىركەلگەن. ولاردىڭ اراسىندا 49-ى – جۇكتى ايەل, 83-ءى – 14 جاسقا دەيىنگى بالالار.
ناۋقاستاردىڭ ەڭ كوپ شوعىرلانعان جەرى – پەتروپاۆل قالاسى. بارلىق ناۋقاستىڭ 139 وسىندا تىركەلگەن. اۋداندار اراسىندا قىزىلجار مەن شال اقىننىڭ ارقايسىسىندا 20-دان ناۋقاس تابىلىپ وتىر. بارلىق تۇماۋراتقان 262 ادامنىڭ 245-ءى تۇماۋدىڭ ۆ, ال 17-ءسى ا تۇرىمەن ناۋقاستانعان. ا.كوشباسوۆتىڭ ايتۋىنشا, ناۋقاستانعانداردىڭ ءبارى دە تۇماۋعا قارسى ەكپە الماعاندار.
«قازىر ناۋقاستانعاندار سانى وسە تۇسۋدە. حالىقتىڭ ءوز دەنساۋلىعىنا كوڭىل بولمەيتىنى ءبىزدى الاڭداتادى. ەگەر ەكپە العاندار كوپ بولسا, ناۋقاستىڭ سانى دا ازايار ەدى. وبلىستا بارلىق ەكپە العان تۇرعىن سانى – 75 مىڭداي, بۇل – بارلىق تۇرعىننىڭ 14 پايىزى عانا, ولاردىڭ اراسىنان بىردە-ءبىرى اۋىرعان جوق», دەيدى مامان.
ءبىر قىزىعى جامان ىندەت مەڭدەپ تۇرعان 2021 جىلدىڭ ءدال وسى مەرزىمىندە تۇماۋراتقاندار سانى 40 ادام عانا بولعان. ال 2020 جىلى ءتىپتى بىردە-ءبىر ادام تۇماۋراتىپ اۋىرماعان ەكەن.
ماماننىڭ ايتۋىنا قاراعاندا, حالىق تۇماۋدان ساقتانۋ ءۇشىن ماسكانى دۇرىس قولدانۋعا, كوپشىلىك جەردە الەۋمەتتىك اراقاشىقتىقتى ساقتاۋعا, جەكە گيگيەنانى ۇمىتپاۋعا شاقىرادى.
بيىلعى جامان ىندەتكە ۇشىراعاندار سانى دا وتكەن جىلدىڭ سايكەس مەرزىمىمەن سالىستىرعاندا ءوسىپ وتىر. ازىرگە 50-دەن ارتىق ادام تىركەلگەن. حالقىمىز «ساقتانساڭ ساۋ بولارسىڭ» دەيدى عوي, ساقتانۋدىڭ ەش ارتىقتىعى بولمايدى.
سولتۇستىك قازاقستان وبلىسى
