ءماجىلىس بيۋروسىنىڭ كەزەكتى وتىرىسى

پارلامەنت ءماجىلىسىنىڭ توراعاسى ورال مۇحامەدجانوۆتىڭ جەتەكشىلىگىمەن وتكەن پالاتا بيۋروسىنىڭ وتىرىسىندا زاڭ جوبالارىنىڭ دايىندىعى تۋرالى ماسەلەلەر قارالدى, دەپ حابارلادى ءماجىلىستىڭ ءباسپاسوز قىزمەتى. قارجى جانە بيۋدجەت كوميتەتى ۇكىمەتتىڭ جانە رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ 2009 جىلعى رەسپۋبليكالىق بيۋدجەتتىڭ اتقارىلۋى تۋرالى ەسەپتەرىن پالاتا تالقىسىنا شىعارۋعا بولاتىنىن ءمالىم ەتتى. وسى كوميتەتتىڭ ۇسى­نۋى­مەن “قازاقستان رەسپۋبليكا­سىن­داعى كەدەن ءىسى تۋرالى”, “قا­زاقستان رەسپۋبليكاسىنىڭ كەيبىر زاڭنامالىق اكتىلەرىنە كەدەندىك رەتتەۋ جانە سالىق سالۋ ماسەلەلەرى بويىنشا وزگەرىستەر مەن تولىق­تى­رۋ­لار ەنگىزۋ تۋرالى” ء(بىرىنشى وقى­لىم), “قازاقستان رەسپۋبلي­كا­سىن­داعى كەدەن ءىسى تۋرالى” قازاقستان رەسپۋبليكاسىنىڭ كودەكسىن قول­دانىسقا ەنگىزۋ تۋرالى” زاڭ جوبالارى قارالدى. حالىقارالىق ىستەر, قورعانىس جانە قاۋىپسىزدىك كوميتەتى بىرقاتار زاڭ جوبالارىن قاراۋدى ۇسىنىپ وتىر. اتاپ ايتقاندا, “2009 جىلعى 27 قاراشاداعى كەدەن وداعىنىڭ كەدەن كودەكسى تۋرالى شارتقا وزگەرىستەر مەن تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى”, “كەدەن وداعىنىڭ كەدەن كودەكسى تۋرالى شارتتى راتيفيكا­تسيالاۋ تۋرالى”, ء“بىر تاراپتان قازاقستان رەسپۋبليكاسى جانە ەكىن­شى تاراپتان ەۋروپا قوعام­داستىقتارى مەن ولارعا مۇشە مەملەكەتتەر اراسىنداعى ارىپتەستىك پەن ىنتىماقتاستىق تۋرالى كەلىسىمگە, بولگاريا مەن رۋمى­نيانىڭ ارىپتەستىك پەن ىنتى­ماقتاستىق تۋرالى كەلىسىمگە قوسى­لۋى تۋرالى حاتتامانى راتيفي­كاتسيالاۋ تۋرالى” زاڭ جوبالارى جالپى وتىرىسقا شىعارىلادى. بيۋرودا زاڭناما جانە سوت-قۇقىقتىق رەفورما كوميتەتى “قازاقستان رەسپۋبليكاسىنىڭ كەيبىر زاڭنامالىق اكتىلەرىنە سايكەستەندىرۋ نومىرلەرى ماسەلەلەرى بويىنشا وزگەرىستەر ەنگىزۋ تۋرالى” زاڭ جوباسىنىڭ دايىن ەكەنىن مالىمدەدى. سونىمەن قاتار, بيۋرو وتىرىسىندا دەپۋتاتتىق كورپۋستىڭ زاڭ شىعارۋشىلىق قىزمەتىنە قاتىستى باسقا دا ماسەلەلەر قارالدى.