قازاقستان • 10 قاڭتار، 2023

قازاقستاندا مەكتەپ فورماسىنىڭ ۇلگىسى وزگەردى

5270 رەت كورسەتىلدى

وقۋ-اعارتۋ مينيسترلىگىنىڭ 2022 جىلعى 30 جەلتوقسانداعى بۇيرىعىمەن ورتا ءبىلىم بەرۋ ۇيىمدارىنىڭ مەكتەپ فورماسىنا قويىلاتىن تالاپتارعا وزگەرىستەر ەنگىزىلدى، دەپ حابارلايدى Egemen.kz.

قىز بالالار ءۇشىن، ۇل بالالار ءۇشىن دە مەكتەپ فورماسىنىڭ ەلەمەنتتەرىنە تۇيمەلەرى نەمەسە قۇلپى بار توقىلعان جەمپىر / كارديگان، پولو جەيدە نەمەسە فۋتبولكا قوسىلادى.

ۇلدارعا ارنالعان مەكتەپ فورماسىنا پيدجاك، جيلەت، شالبار، كويلەك، كۇندەلىكتى جەيدە نەمەسە تۇيمەلەرى بار توقىلعان كارديگان، پولو جەيدە نەمەسە فۋتبولكا كىرەدى. ەر بالالارعا ارنالعان شالباردىڭ بالاعى ۇزىن جانە اياقتىڭ توبىعىن جاۋىپ تۇرادى.

قىزدارعا ارنالعان مەكتەپ فورماسىنا پيدجاك، جيلەت، يۋبكا، شالبار، كلاسسيكالىق بلۋزكا نەمەسە تۇيمەلەرى بار توقىلعان كارديگان، پولو جەيدە نەمەسە فۋتبولكا كىرەدى. قىزدارعا ارنالعان شالبار اياقتىڭ توبىعىن جاۋىپ تۇرادى.

سونداي-اق «ۇلدارعا اق كويلەك، قىزدارعا اق بلۋزكا» دەپ  قويىلاتىن تالاپ الىنىپ تاستالدى. گالستۋك ەندى مىندەتتى ەلەمەنت ەمەس.

مەكتەپ فورماسىنا تاعىلاتىن ەرەكشە بەلگىلەردى (ەمبلەما، باسقا دا ورتا ءبىلىم بەرۋ ۇيىمدارىنىڭ بەلگىسى) ورنالاستىرۋعا رۇقسات ەتىلەدى.

مەكتەپ فورماسىنا ارنالعان ماتالار رەتىندە ساپاسى جاقسارتىلعان، توزىمدىلىگى جوعارى، باكتەرياعا قارسى، ميكروبقا قارسى جانە انتيستاتيكالىق قاسيەتتەرى بار جارتىلاي ءجۇن مەن ماقتا ماتالاردى قولدانعان ءجون. 

مەكتەپ فورماسى ماسەلەلەرىن تالقىلاۋعا بالالاردىڭ اتا-انالارى مەن باسقا دا زاڭدى وكىلدەرى، مەكتەپتىڭ ءوزىن-ءوزى باسقارۋ مۇشەلەرى، قامقورشىلىق كەڭەسى جانە اتا-انالار كوميتەتى قاتىسىپ، ءوز ۇسىنىستارىن ەنگىزۋى كوزدەلەدى.

مەكتەپ فورماسىنىڭ ءستيلىن جانە بەلدەمشەنىڭ ۇزىندىعىن تاڭداۋدى ورتا ءبىلىم بەرۋ ۇيىمى جانە جالپى مەكتەپ اتا-اناسىنىڭ حاتتاماسىمەن بەكىتەتىن كەڭەس انىقتايدى.

بۇل رەتتە ءبىلىم بەرۋ ورگاندارى مەكتەپ فورماسىن وتاندىق وندىرۋشىلەردەن  ساتىپ الۋدى ۇسىندى، بىراق ولار مەكتەپ فورماسىن شىعاراتىن جەكەلەگەن وندىرۋشىلەرگە ارتىقشىلىق بەرە المايدى.

بۇيرىق 2023 جىلدىڭ 10 قاڭتارىنان باستاپ قولدانىسقا ەنگىزىلەدى.

سوڭعى جاڭالىقتار

5G: جەلىگە قوسىلۋ جەدەلدىگى

تەحنولوگيا • بۇگىن، 22:39

كەستەلى شاپان

جادىگەر • بۇگىن، 22:34

ءبىر سۋرەتى – ءبىر الەم

ونەر • بۇگىن، 22:26

قىراۋدان جازىلعان حات

ادەبيەت • بۇگىن، 22:20

چەمپيوندار اۋىلدان شىعادى

ايماقتار • بۇگىن، 22:18

ايتماتوۆ ەلىنە ساياحات

ونەر • بۇگىن، 22:09

ناۋەن حازىرەتتىڭ ءمورى

جادىگەر • بۇگىن، 22:06

زاڭعار بيىكتەن كورىندى

تەننيس • بۇگىن، 22:00

قورجىندا قوس جۇلدە

سپورت • بۇگىن، 21:17

مىسىردا مىقتىلىق تانىتتى

سپورت • بۇگىن، 21:17

ەرتەڭ ەكى وبلىستا تۇمان تۇسەدى

اۋا رايى • بۇگىن، 20:36

ۇقساس جاڭالىقتار