وسىلايشا, ازاماتتىق قىزمەتكە كىرۋ كەزىندە, كۆازيمەملەكەتتىك سەكتور سۋبەكتىلەرىنە جۇمىسقا ورنالاسۋ كەزىندە سىبايلاس جەمقورلىق قىلمىستىڭ بولۋى نەمەسە بولماۋى تۋرالى مالىمەتتەر الۋعا بولادى.
بۇعان دەيىن مالىمەتتەرگە باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى جانە ونىڭ وڭىرلىك باسقارمالارى ازاماتتاردىڭ جەكە وتىنىشتەرى بويىنشا «ە-otinish» ازاماتتاردىڭ وتىنىشتەرىن قابىلداۋ مەن وڭدەۋدىڭ بىرىڭعاي پلاتفورماسى ارقىلى قول جەتكىزۋگە بولاتىن.
مالىمەتتەر جۇمىس بەرۋشىگە ۇسىنىلعاننان كەيىن, جۇمىسقا قابىلداۋ تۋرالى شەشىمدى جۇمىس بەرۋشى قابىلدايدى. ەڭبەك كودەكسىنە سايكەس, سىبايلاس جەمقورلىق قىلمىس جاساعان ادامدى كۆازيمەملەكەتتىك سەكتور سۋبەكتىلەرىنە جۇمىسقا ورنالاسۋىنا جول بەرىلمەيدى. بۇل جاڭارتۋلار قازاقستان رەسپۋبليكاسى پرەزيدەنتىنىڭ بيۋروكراتيادان ارىلتۋ تۋرالى جارلىعى شەڭبەرىندە جۇزەگە اسىرىلعانىن اتاپ وتكەن ءجون, ونىڭ ماڭىزدىلىعى – مەملەكەتتىك باسقارۋدىڭ بارلىق سالالارىن تسيفرلىق ترانسفورماتسيالاۋ جانە جۇيەلى وزگەرتۋ.
«سىبايلاس جەمقورلىق قىلمىس جاساۋ تۋرالى مالىمەتتەر مەملەكەتتىك قىزمەت پەن كۆازيمەملەكەتتىك سەكتوردىڭ بولاشاق قىزمەتكەرلەرى ءۇشىن قاجەت. قولايلى بولۋ ءارى ۋاقىتتى ۇنەمدەۋ ءۇشىن مەملەكەتتىك ورگاندارمەن بىرلەسىپ, ونى ونلاين فورماتقا اۋىستىردىق. بۇل قىزمەت ءتۇرى ىسكە قوسىلعان ساتتەن باستاپ 98 مىڭنان اسا ادام مالىمەت الدى. سونىمەن قاتار جاقىن ارادا ءبىز قىزمەتتى ءۇشىنشى تۇلعالاردىڭ سەرۆيسى ارقىلى ىسكە قوسامىز», دەيدى «ۇلتتىق اقپاراتتىق تەحنولوگيالار» اق باسقارما توراعاسى روستيسلاۆ كونياشكين.
قىزمەت «ۇلتتىق اقپاراتتىق تەحنولوگيالار» اق, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك قىزمەتتەر كوميتەتى مەن باس پروكۋراتۋرانىڭ بىرلەسكەن جۇمىسىنىڭ ناتيجەسىندە جۇزەگە اسىرىلعانىن اتاپ وتكەن ءجون.
