باسقوسۋعا قارجى نارىعىن رەتتەۋ جانە دامىتۋ اگەنتتىگىنىڭ, باسەكەلەستىكتى دامىتۋ جانە قورعاۋ اگەنتتىگىنىڭ وكىلدەرى قاتىستى. ال قازاقستان قارجىگەرلەرىنىڭ قاۋىمداستىعى نارىققا قاتىسۋشىلاردىڭ مۇددەسىن جەتكىزدى.
قاتىسۋشىلار Open API تەحنولوگياسىن قولدانۋ ارقىلى قارجى سەكتورىن دامىتۋدىڭ زاماناۋي ۇلگىلەرى مەن Open Banking تۇجىرىمداماسىن تالقىلاپ, جاڭا باستامالار نەگىزىندە قازاقستاندا تسيفرلىق قارجىلىق ينفراقۇرىلىمدى قۇرۋ پەرسپەكتيۆالارىن ءسوز ەتتى.
Open API مەن Open Banking جوبالارى كليەنتكە قارجىلىق قىزمەتتەردى الۋ ءۇشىن كليەنتتىڭ جەكە دەرەكتەرىن ءارتۇرلى قارجى ينستيتۋتتارى اراسىندا قاۋىپسىز جانە ءتيىمدى تاسىمالداۋ مۇمكىندىگىن بەرۋگە باعىتتالعان. مۇنداي الماسۋ قاۋىپسىز ورتادا ستاندارتتالعان اشىق باعدارلامالاۋ ينتەرفەيستەرىن قولدانۋ ارقىلى جۇزەگە اسىرىلادى. اشىق بانكينگ جاڭا تولەمدەر مەن قارجىلىق قىزمەتتەردى جۇرگىزۋگە, اكىمشىلىك, سايكەستىك جانە ترانزاكتسيالار ءۇشىن ۋاقىت پەن وپەراتسيالىق شىعىنداردى ازايتۋعا مۇمكىندىك بەرەدى.
Open API مەن Open Banking تۇجىرىمداماسى قازاقستانداعى اشىق بانكينگتى دامىتۋدىڭ نەگىزگى تاسىلدەرى مەن پايىمىن, اشىق بانكتىك ينتەرفەيستەردى ەنگىزۋ بويىنشا ناقتى قادامدار مەن شارالاردى جانە وسىعان قاجەتتى ينفراقۇرىلىمدىق ءارى رەتتەۋ تاسىلدەردىن قامتيدى.
