ولار قوعامنان بولشەكتەنبەيدى

تاعدىردىڭ ماڭدايعا جازعا­نى­نا شارا جوق. ەستۋ قابىلەتىنەن اي­رىل­عان جاندار دا قوعامنىڭ ءار ءمۇ­شەسى سەكىلدى ءومىردىڭ قىزىعىنا بولەنگىسى كەلەدى. الايدا, كەيدە وي­لاعانداي بولا بەرمەيتىنى وكىنىشتى. اتىراۋدا وسىنداي ساناتتاعى 600-گە جۋىق مۇگەدەك بار. ولاردىڭ 230-ى عانا ەڭبەكپەن قامتىلعان. بۇلار تىگىن تسەحىندا جۇمىس ىستەيدى, شىعارماشىلىق ۇجىم قۇرامىندا ءتۇرلى فەستيۆالدارعا, ونەر سايىس­تا­رىنا قاتىسادى. وبلىستىق مىل­قاۋ­لار قوعامىنىڭ باسشىسى زا­مي­لا احمەتوۆا وسىلاي دەيدى. مۇن­داي جاندار اركەز قولداۋعا, قام­قورلىققا ءماجبۇر بولعان­دارى­مەن, ونى جەتكىزىپ ايتا المايدى. ولاردىڭ ساۋساقپەن سويلەسۋ ءتىلىن كوپشىلىك تۇسىنە بەرمەيدى. دەگەنمەن, ولاردىڭ اراسىندا ونەرلىلەرى دە مولىنان كەزدەسەدى. ونى اتىراۋدا ء“بىز ءبىر كومان­دا­مىز” رەسپۋبليكالىق الەۋمەتتىك اك­تسيا اياسىندا مىلقاۋلاردى قول­داۋ ماقساتىندا وتكىزىلگەن “شە­كا­راسىز قاتىناس” شاراسىندا باي­قا­دىق. بۇل اكتسيا وبلىستىق “جۇمىس بەرۋشىلەر مەن كاسىپكەرلەر” ودا­عىنىڭ ءماجىلىس زالىندا ءوتتى. ءدال وسى زالدا ەستۋ, سويلەۋ قابىلەتى شەك­تەلگەن جاندار جينالعاندارعا ءوز ونەرلەرىن كورسەتىپ, ونەرگە, ءومىر­گە قۇلشىنىسى بارىن اڭعارت­تى. اسىرەسە, ناتاشا تسويدىڭ  مۋزىكا ىرعاعىمەن ءان ايتۋى, ياعني ءاندى ساۋساق قيمىلىمەن جەتكىزۋى تىڭدارمانىن ەرىكسىز ويلانتادى. بيشىلەر دە جوق ەمەس. جادىرا اققاليەۆا مەن گۇلنۇر ابىلحاتاەۆا ءتۇرلى حالىقتىڭ ۇلتتىق بيلەرىن مىڭ بۇرالا بيلەپ, ونەرگە دەگەن ۇمتىلىسىمەن, تاعدىردىڭ تەپەرى­شىنە مويىمايتىن ەرىك-جىگەرىمەن ەرەكشەلەندى. سونىڭ ىشىندە “قارا جورعا” ءبيىن ايرىقشا شابىتپەن, قۇلشىنىسپەن بيلەدى. مۇمكىندىگى شەكتەۋلى جان­دار­دى ءبىر ۇيىمعا بىرىكتىرىپ, قوعام­نان بولشەكتەنبەۋىنە ەڭبەك ءسىڭىرىپ جۇرگەن زاميلا احمەتوۆا­نىڭ ايتۋىنشا, وكىنىشكە قاراي,  ساحنالىق كيىمدەردى ۇدايى جالعا الادى ەكەن. ارنايى تاپسىرىسپەن تىك­تىرۋگە قارجى تاپشى. مۇنى ءوڭىر­دەگى كاسىپورىندار باسشىلا­رى­نا قۇلاققاعىس رەتىندە ايتقانىن جەتكىزگىمىز كەلدى. ال اتىراۋ وبلىستىق ازاماتتىق اليانسىنىڭ پرەزيدەنتى, بەلگىلى كاسىپكەر  ءاليا بەكقوجيەۆا مۇمكىندىگى شەكتەۋلى جاندارعا اركەز قولداۋ كورسەتۋگە ۇمتىلىپ جۇرەدى. اتالعان شاراعا كا­سىپكەرلەر اتىنان ءا.بەكقو­جيەۆا­­نىڭ ءبىر ءوزى قاتىسىپ, مىل­قاۋ­لار قوعامىنىڭ 12 مۇشەسىنە ۇيالى بايلانىس تەلەفوندارىن تابىس ەتتى. – ءبىز مۇنداي جانداردان سىرت اينالا المايمىز. ومىرگە مۇمكىن­دىگى شەكتەۋلى بولىپ كەلگەنى ءۇشىن كىنالى ەمەس. ولار قاي كەزدە دە مەم­لەكەتتىڭ, جۇرەگىندە يماندى­لىق قاسيەت ۇيالاعان جانداردىڭ  قول­داۋىن سەزىنەدى. قيىندىققا قاراماستان, بيزنەسپەن اينالى­سىپ, قوعامدىق جۇمىستارعا بەل­سە­نە ارالاسىپ جۇرگەن بۇل ادام­دار­دىڭ توزىمدىلىگىنە, ومىرگە تالپى­نىسىنا ءتانتى بولاسىڭ. ۇكىمەتتىڭ قاۋلىسىمەن مەملەكەتتىك تاپسى­رىس­تىڭ 30 پايىزى وسىنداي ءمۇم­كىن­دىگى شەكتەۋلى جانداردىڭ ۇلە­سىنە بەرىلەتىنىن بىلەمىز. وسىعان وراي جاقىندا ادجيپ قكو-نىڭ تاپسىرىسىمەن ماقات اۋدانىن­دا­عى وسىنداي جاندارمەن 4 اي بويى تىعىز جۇمىس ىستەدىك. ولاردى  تىگىن بيزنەسىنە ۇيرەتتىك. قازىر بۇل تسەح ارنايى كيىمدەر, حالات, قولعاپ تىگۋ بويىنشا بىرنەشە ءىرى تاپسىرىستار الدى. ءبىزدىڭ قولداۋىمىز, كومە­گى­مىز بۇگىنگى شارامەن شەكتەلىپ قال­مايدى. ءبىز ۇنەمى قولداۋ بىلدىرۋگە دايىنبىز. سەبەبى, ءبارىمىز – ءبىر­لىگىمىز جاراسقان ءبىر كوماندامىز. بۇدان بىلاي سىزدەردە ۇيالى تەلە­فون بار, ەندى sms حابارلامامەن بايلانىس جاساپ تۇرايىق, –دەدى ءاليا بايجانقىزى. وبلىستىق ىشكى ساياسات باس­قار­ماسى باستىعىنىڭ ورىنباسارى اعي­با قاتەشوۆا مەملەكەتتىڭ تارا­پىنان مۇمكىندىگى شەكتەۋلى جان­دار­دى الەۋمەتتىك تۇرعىدان قول­داۋ­عا ۇدايى كوڭىل بولىنە بەرە­تى­نى­نە توق­تالا كەلىپ: “ەشكىم ەشكىم­نەن ارتىق تا, كەم دە ەمەس. ءبارىمىز بىردەيمىز. سوندىقتان سىزدەردى ەشكىم قوعامنان بولشەكتەمەيدى, ونەرلەرىڭىزدى كورسەتۋگە شەكتەۋ جاسامايدى. سىزدەردىڭ  كەز كەلگەن اداممەن, كەز كەلگەن ۇيىممەن شەكاراسىز بايلانىس, قارىم-قاتىناس جاساۋعا مۇمكىندىكتەرىڭىز مول”, دەدى. جولداسبەك شوپەعۇل, اتىراۋ وبلىسى.