جەدەل كەڭەستە يندۋستريا جانە ينفراقۇرىلىمدىق دامۋ ءمينيسترى مارات قاراباەۆ ازاماتتىق اۆياتسيا كوميتەتى باسشىسىنىڭ جاڭا ورىنباسارىن تانىستىردى.
تيمۋر تىلەگەنوۆ 2021 جىلى فرانتسيانىڭ ۇلتتىق ازاماتتىق اۆياتسيا مەكتەبىن (ENAC) اۋە كولىگىن باسقارۋ ماماندىعى بويىنشا, 2014 جىلى قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىن حالىقارالىق قاتىناستار ماماندىعى بويىنشا, 2009 جىلى گۋميلەۆ اتىنداعى ەۋرازيا ۇلتتىق ۋنيۆەرسيتەتىن حالىقارالىق قاتىناستار ماماندىعى بويىنشا ۇزدىك ءبىتىردى.
كوميتەت توراعاسىنىڭ ورىنباسارى بولىپ تاعايىندالعانعا دەيىن يندۋستريا جانە ينفراقۇرىلىمدىق دامۋ مينيسترلىگى ازاماتتىق اۆياتسيا كوميتەتىنىڭ اۋە قاتىناسى جانە حالىقارالىق اۋە قوزعالىسىن رەتتەۋ دەپارتامەنتىنىڭ باسشىسى قىزمەتىن اتقارعان.
2009 جىلدىڭ قازان ايىنان باستاپ 2019 جىلدىڭ قازان ايىنا دەيىن ازاماتتىق اۆياتسيا كوميتەتىندە حالىقارالىق قاتىناستار جانە اۋە تاسىمالى ءبولىمىنىڭ باس ساراپشىسى – اعا مەملەكەتتىك اۆياتسيا ينسپەكتورى قىزمەتتەرىن اتقاردى.
