وتكەن جىلدىڭ 8 قاڭتارىنان بەرى ادام قۇقىقتارى جونىندەگى ۋاكىلدىڭ شاقىرۋىمەن ازاپتاۋدىڭ الدىن الۋ جونىندەگى ۇيلەستىرۋ جونىندەگى كەڭەستىڭ مۇشە رەتىندە جانە بەلسەندى قۇقىق قورعاۋشى جەڭىس تۇرماعامبەتوۆامەن بىرگە ەلىمىزدەگى بۇكىل وڭىردەگى قىلمىستىق اتقارۋ جۇيەسى مەن ۇلتتىق قاۋىپسىزدىك ورگاندارىنا قاراستى مەكەمەلەر مەن ءۇي جايلارعا مونيتورينگ جاسادىق. قازاقستاننىڭ 17 وڭىرىندە تەرگەۋ يزولياتورلارى مەن ۋاقىتشا ۇستاۋ يزولياتورلارىنا 133 پروفيلاكتيكالىق باقىلاۋ جۇرگىزىلدى. ەڭ كوپ ۇستالعاندار مەن زاڭ بۇزۋشىلىقتار جونىندە حابارلامالار تۇسكەن 8 قالاعا ەرەكشە نازار اۋدارىلدى. ولار الماتى, تالدىقورعان, وسكەمەن, شىمكەنت, اتىراۋ, تاراز, قىزىلوردا, سەمەي قالالارى. ادام قۇقىقتارى جونىندەگى ۋاكىلدىڭ اتىنا 228 ءوتىنىش ءتۇستى, ونىڭ 111-ءى ازاپتاۋ جانە قاتىگەزدىك كورسەتۋگە قاتىستى.
مونيتورينگ جۇرگىزۋ بارىسىندا ادام قۇقىقتارىنىڭ بۇزىلماۋى, ۇستاۋ جاعدايى, ادۆوكاتقا قول جەتكىزۋ, پروتسەستىك نورمالاردى ساقتاۋ, مەديتسينالىق كومەك الۋ سەكىلدى كونستيتۋتسيالىق كەپىلدىكتەردىڭ ساقتالۋى ەسكەرتىلدى. انىقتالعان بۇزۋشىلىق فاكتىلەر جەدەل تۇردە باس پروكۋراتۋراعا جانە ىشكى ىستەر مينيسترلىگىنە حابارلاندى. مونيتورينگ كەزىندە شەتەل ازاماتتارىنىڭ, وسىنداي جاعدايعا العاش رەت كەزىككەندەر مەن كامەلەتكە تولماعانداردىڭ قۇقىقتارىنا ەرەكشە نازار اۋدارىلدى.
بۇگىندە قازاقستاندا جاستارعا ارنالعان باعدارلامالار ەنگىزىلىپ جاتىر. وسى باعدارلامالار جەتكىلىكتى قولداساق, جاستارىمىز تاپ كەلگەن قاڭتار وقيعاسى سەكىلدى جاعدايدىڭ قايتالانۋىنا جول بەرمەيمىز.
وكىنىشكە قاراي, مونيتورينگ بارىسىندا ازاپتاۋ مەن ار-نامىستى تاپتايتىن وزگە دە قاتىگەزدىك تۇرلەرىن قولدانۋ, پسيحولوگيالىق قىسىم كورسەتۋ راستالدى. شاعىمداردىڭ باسىم بولىگى ساپالى قۇقىقتىق قورعاۋدى قامتاماسىز ەتۋگە قاتىستى بولدى. وسىعان بايلانىستى مەملەكەتتىك كەپىلدىك بەرگەن زاڭ كومەگىن الۋعا قۇقىعى بار ادامداردىڭ تىزبەسىن ازاپتاۋلاردىڭ جانە قادىر-قاسيەتتى قورلايتىن وزگە دە قاتىگەزدىك تۇرلەرىنەن زارداپ شەككەندەرگە قوسۋ ۇسىنىلدى. 2022 جىلى «ادۆوكاتتىق قىزمەت جانە زاڭ كومەگى تۋرالى» زاڭعا ءتيىستى تۇزەتۋ ەنگىزىلدى.
كەز كەلگەن جاعدايعا ساراپتاما جاساۋ, سوت پروتسەسىن تەرگەۋ بارىسىندا نەگىزگى قۇقىقتاردى ساقتاۋدىڭ ماڭىزى, سەنىمدى اقپاراتقا قول جەتكىزۋگە كەلەشەكتە مۇنداي وقيعانىڭ قايتالانۋىنىڭ الدىن الۋىنا ىقپال ەتەدى.
شاحنوزا حاسانوۆا,
«سانا سەزىم» ايەلدەر باستامالارىنىڭ قۇقىقتىق ورتالىعى» قوعامدىق بىرلەستىگىنىڭ ديرەكتورى
