كورمەگە سۋرەتشىنىڭ 2020-2021 جىلدارى سالىنعان 111 تۋىندىسى ۇسىنىلدى. بۇلاردى اۆتوردىڭ شىعارماشىلىعىنداعى ءبىراز ۋاقىت ۇزىلىستەن كەيىنگى قايتا تۋعان دۇنيەلەر دەپ ايتۋعا بولادى. ءار كارتينا – سانانى سەلت ەتكىزەر وبرازعا تولى. ۋاقىت پەن كەڭىستىكتىڭ ۇيلەسىمىن تابا بىلگەن تۋىندىلاردان كوركەمدىك پەن سىرشىلدىقتىڭ لەبى ەسەدى. سونداي-اق كورمەنىڭ «قاڭباق» دەپ اتالۋى دا تەگىن ەمەس. بۇل ەڭبەك قىلقالام شەبەرىنىڭ بۇعان دەيىنگى تىنىس-تىرشىلىگى مەن وي-تولعانىستارىن ءبىر تۇيىندەپ, ودان ءارى شىعارماشىلىعىن دامىتۋعا نەگىز بولعان.
مادەني ءىس-شارانىڭ اشىلۋىندا ونەرتانۋشى, يۋنەسكو جانىنداعى حالىقارالىق كوركەمدىك سىنشىلار قاۋىمداستىعىنىڭ (AICA) مۇشەسى, قازاقستاننىڭ ەڭبەك سىڭىرگەن قايراتكەرى كاميللا لي جانە تاعى باسقا زيالى قاۋىم وكىلدەرى مەن قوعام قايراتكەرلەرى ءسوز الىپ, كورمەنىڭ ماڭىزى مەن مازمۇنىنا توقتالدى.
سونداي-اق كورمە اياسىندا «سۋرەتشى جانە ۋاقىت» اتتى دوڭگەلەك ۇستەل ءماجىلىسى ۇيىمداستىرىلىپ, وعان قاتىسۋشىلار ءجاميلا تاكەننىڭ شىعارماشىلىعى مەن قازىرگى بەينەلەۋ ونەرىنىڭ دامۋى جايىندا سالماقتى وي قوزعادى.
ايتا كەتەيىك, ءجاميلا تاكەن – رەسەي ەۋرازيالىق سۋرەتشىلەر وداعىنىڭ «ەموتسيالار» حالىقارالىق ونەر فەستيۆالىنىڭ بىرنەشە دۇركىن لاۋرەاتى. سونىمەن قاتار حالىقارالىق دەڭگەيدەگى سيمپوزيۋمدار مەن ارت-فورۋمدارعا قاتىسىپ, بىرقاتار جوعارى ماراپاتقا يە بولعان.
