«سامۇرىق-ەنەرگو» اق قولداۋىمەن وتەتىن ءداستۇرلى وليمپياداعا بيىل فيزيكا-ماتەماتيكا پاندەرى بويىنشا الماتى قالاسى, الماتى وبلىسى جانە باسقا دا وڭىرلەردەن 32 مەكتەپ وقۋشىسى مەن 35 ستۋدەنت قاتىستى. وليمپيادا قاتىسۋشىلارىنا ءسات-ساپار تىلەگەن «سامۇرىق ەنەرگو» اق كومپانياسىنىڭ وكىلدەرى ب.نۇراحمانوۆ جانە د.ايمۇراتوۆ «ەنەرگەتيكا ەل ەكونوميكاسىنىڭ ماڭىزدى سالالارىنىڭ ءبىرى. بولاشاعىن ەنەرگەتيكا سالاسىمەن بايلانىستىراتىن ستۋدەنتتەر ءۇشىن ۋنيۆەرسيتەتتىڭ وليمپيادالىق باعىتتاعى جوبالارى ماڭىزدى. سوندىقتان ۇستانعان باعىتتان تايماۋ, ساپالى ءبىلىم الۋ, وقۋدا بەلسەندى بولۋ كەرەك», دەپ اتاپ ءوتتى.
وليمپيادا قورىتىندىسىنا سايكەس باس جۇلدەگە «ەلەكتر ەنەرگەتيكاسى» جانە «جىلۋ ەنەرگەتيكاسى» ماماندىقتارى بويىنشا باكالاۆرياتتا تەگىن وقۋ ءۇشىن ارنايى گرانتتار جانە ستيپەنديالار بەرىلدى. «جىلۋ تەحنيكاسىنىڭ تەوريالىق نەگىزدەرى» ءپانى بويىنشا 3-ورىندى نۇركەلدى اۋەزحان, 4-ورىندى اننا چەبوتارەۆا يەلەنسە, «ەلەكتروتەحنيكانىڭ تەوريالىق نەگىزدەرى» پانىنەن 1-ورىندى داۋكەەۆ اتىنداعى اەجبۋ ستۋدەنتى د.تۇيگىمباەۆ, 2, 3-ورىندى ءال-فارابي اتىنداعى قازۇۋ ستۋدەنتتەرى ن.جاسبولات, ا.قوشماعانبەتوۆا ەنشىلەدى. فيزيكا پانىنەن 1-ورىن اقبەت ەرمۇحامەتكە, 2-ورىن بيداحمەت نۇربەككە, 3-ورىن گاۋھار امانگەلدىگە بۇيىردى. ماتەماتيكا پانىنەن 1-ورىندى ەرجان ابەەۆ, 2-ورىندى امانجول ەسبەرگەن, 3-ورىندى ادەليا تۇرعامبەك يەلەندى. وليمپياداعا قاتىسقان بارلىق وقۋشىلار مەن ستۋدەنتتەرگە سەرتيفيكات بەرىلدى.
الماتى
