ساپار بارىسىندا كومىر قازاندىقتارىنىڭ تابيعي گازدى پايدالانۋعا كوشىرۋدىڭ ماڭىزى تۋرالى ماسەلە كوتەرىلدى. مۇنداي قادام كوپتەگەن ەكولوگيالىق ماسەلەلەردى شەشۋگە مۇمكىندىك بەرەدى جانە ايماقتىڭ الەۋمەتتىك-ەكونوميكالىق دامۋىنا وڭ اسەر ەتەدى. كاسىپورىن باسشىلىعى وسىعان بايلانىستى دەپۋتاتتاردى قالاداعى بارلىق جىلۋ قازاندىقتارى تابيعي گازعا قوسىلاتىنى تۋرالى ايتتى.
«قازاندىقتاردى كومىردى پايدالانۋدان تابيعي گازعا اۋىستىرۋ ناقتى مۋلتيپليكاتيۆتىك اسەرگە يە بولادى جانە بۇل ءوڭىردىڭ ەكولوگياسىنا عانا ەمەس, الەۋمەتتىك-ەكونوميكالىق دامۋىنا دا وڭ اسەر ەتۋى مۇمكىن. سوندىقتان ءبىز قالا ەكولوگياسىن جاقسارتۋ جۇمىسىن باياۋلاتپايمىز, بۇل باعىتتاعى جۇمىستار قارقىندى جۇرگىزىلۋى ءتيىس», دەپ اتاپ ءوتتى سەناتور عالياسقار سارىباەۆ.
سەناتورلار بولىنەتىن بيۋدجەت قارجىسىنىڭ ءتيىمدى جانە ماقساتتى پايدالانىلۋىنا باقىلاۋدى كۇشەيتۋگە ەرەكشە نازار اۋداردى. سونداي-اق كوپ قاباتتى ۇيلەرگە ارنالعان ينجەنەرلىك جەلىلەر قۇرىلىسىنىڭ بارىسىمەن تانىستى.
سەناتورلار سونىمەن قاتار № 19 گۋمانيتارلىق-تەحنيكالىق كوللەدجدە بولدى جانە وقۋ ورنىنىڭ جاي-كۇيىمەن تانىسىپ, وقىتۋشىلار قۇرامىمەن كەزدەستى.
