شىعىستا, وڭتۇستىكتە, اباي اۋدانىنىڭ ورتالىعىندا بۇرقاسىن, كوكتايعاق كۇتىلەدى. وڭتۇستىك-باتىستان, باتىستان, ورتالىقتان, وبلىستىڭ وڭتۇستىگىنەن 15-20 م/س دەيىن جەل سوعادى. سەمەي قالاسىندا تۇندە جانە تاڭەرتەڭ بۇرقاسىن, كوكتايعاق كۇتىلەدى.
اقمولا وبلىسىنىڭ سولتۇستىگى مەن باتىسىندا بۇرقاسىن بولادى. وبلىستىڭ سولتۇستىگى مەن وڭتۇستىك-شىعىسىندا تۇمان, كوكتايعاق كۇتىلەدى. وڭتۇستىك-باتىستان سوعاتىن جەلدىڭ ەكپىنى تۇندە 15-20 م/س, كۇندىز 15-20 م/س دەيىن جەتەدى, ال وبلىستىڭ سولتۇستىگىندە ەكپىنى 23-28 م/س بولادى. كۇندىز كوكشەتاۋ قالاسىنىڭ جولدارىندا كوكتايعاق كۇتىلەدى. تاڭەرتەڭ جانە كۇندىز وڭتۇستىك-باتىستان سوعاتىن جەلدىڭ ەكپىنى 15-20 م/س جەتەدى.
اقتوبە وبلىسىنىڭ سولتۇستىك جارتىسىندا باياۋ بۇرقاسىن بايقالادى. وبلىستىڭ باتىسىندا, سولتۇستىگىندە جانە ورتالىعىندا كوكتايعاق كۇتىلەدى. وڭتۇستىك-باتىستان سوعاتىن جەل سولتۇستىككە اۋىسادى, وبلىستىڭ سولتۇستىك جارتىسىندا ەكپىنى 15-20 م/س دەيىن جەتەدى. اقتوبە قالاسىندا كوكتايعاق بولجانىپ وتىر. بۇگىن تۇندە بۇرقاسىن بولادى. وڭتۇستىك-باتىستان سوعاتىن جەل سولتۇستىككە اۋىسىپ, تۇندە ەكپىنى 15-20 م/س بولادى.
كۇندىز استانا قالاسىندا وڭتۇستىك-باتىستان سوعاتىن جەلدىڭ ەكپىنى 15-20 م/س دەيىن جەتەدى.
كۇندىز اتىراۋ وبلىسىنىڭ سولتۇستىگىندە, وڭتۇستىگىندە, شىعىسىندا كوكتايعاق, ازداعان بۇرقاسىن كۇتىلەدى. وڭتۇستىك-باتىستان سوعاتىن جەل سولتۇستىككە اۋىسادى, تۇندە وبلىستىڭ سولتۇستىگىندە 15-20 م/س, كۇندىز وبلىستىڭ باسىم بولىگىندە 17-22 م/س دەيىن جەتەدى. اتىراۋ قالاسىندا كوكتايعاق كۇتىلەدى. وڭتۇستىك-باتىستان سوعاتىن جەل سولتۇستىككە اۋىسادى, كۇندىز ەكپىنى 17-22 م/س بولادى.
شىعىس قازاقستان وبلىسىندا جاۋىن-شاشىن, وبلىستىڭ سولتۇستىك-شىعىسىندا قاتتى جاۋىن-شاشىن (نەگىزىنەن قار) كۇتىلەدى. وبلىستىڭ سولتۇستىگىندە, شىعىسىندا, وڭتۇستىگىندە 15-20 م/س دەيىن جەل سوعادى. وسكەمەن قالاسىندا بۇرقاسىن, كوكتايعاق كۇتىلەدى.
سينوپتيكتەردىڭ ايتۋىنشا, جەتىسۋ وبلىسىنىڭ وڭتۇستىگىندە كوكتايعاق بولادى. وبلىستىڭ سولتۇستىك-شىعىسىندا ەكپىنى 15-20 م/س جەل سوعادى.
باتىس قازاقستان وبلىسىنىڭ وڭتۇستىگى مەن شىعىسىندا كوكتايعاق كۇتىلەدى. تۇندە وبلىستىڭ سولتۇستىگىندە ازداعان قارلى بوران سوعادى. سولتۇستىك, سولتۇستىك-باتىستان جەل سوعادى. ورال قالاسىندا تۇندە قارلى بوران سوعادى.
قاراعاندى وبلىسىنىڭ وڭتۇستىك-شىعىسىندا تۇمان كۇتىلەدى. كۇندىز وڭتۇستىك-باتىستان سوعاتىن جەلدىڭ ەكپىنى 15-20 م/س دەيىن جەتەدى.
تۇندە قوستاناي وبلىسىنىڭ باسىم بولىگىندە قار جاۋادى, كۇندىز وبلىستىڭ بىرقاتار بولىگىندە جاۋىن-شاشىن, بوران (قار, جاڭبىر) كۇتىلەدى. وبلىس ورتالىعىندا كوكتايعاق بولىپ, تۇمان تۇسەدى. قوستاناي قالاسىندا بۇرقاسىن جەل تۇرادى.
كۇندىز قىزىلوردا وبلىسىنىڭ سولتۇستىگىندە كوكتايعاق, وبلىس ورتالىعىندا تۇمان كۇتىلەدى. قىزىلوردا قالاسىنىڭ كەي جەرلەرىندە تۇمان تۇسەدى.
ماڭعىستاۋ وبلىسىندا سولتۇستىك-باتىستان جەل سوعادى. اقتاۋ قالاسىندا سولتۇستىك-باتىستان ەكپىنى 15-20 م/س جەل سوعادى.
كۇندىز پاۆلودار وبلىسىنىڭ سولتۇستىگىندە بۇرقاسىن كۇتىلەدى. كۇندىز وڭتۇستىك-باتىستان سوعاتىن جەلدىڭ ەكپىنى 15-20 م/س بولادى.
سولتۇستىك قازاقستان وبلىسىنىڭ باسىم بولىگىندە قار جاۋادى. وبلىستىڭ سولتۇستىگىندە, باتىسىندا بۇرقاسىن كۇتىلەدى, كۇندىز كوكتايعاق بولادى. پەتروپاۆل قالاسىندا ازداعان قارلى بوران كۇتىلەدى. كۇندىز كوكتايعاق بولادى.
مامانداردىڭ بولجامىنا سايكەس, تۇركىستان وبلىسىنىڭ سولتۇستىگىندە تۇمان تۇسەدى. تۇركىستان قالاسىندا وڭتۇستىك-شىعىستان جەل سوعادى, كۇندىز ەكپىنى 15-20 م/س دەيىن جەتەدى.
ۇلىتاۋ وبلىسىنىڭ سولتۇستىگىندە ەكپىنى 15-20 م/س دەيىن سوعاتىن جەل كۇتىلەدى.
شىمكەنت قالاسىندا وڭتۇستىك-شىعىستان جەل سوعادى.
7 قاڭتاردا تۇركىستان جانە جامبىل وبلىستارىنىڭ تاۋلى ايماقتارىندا قار ارالاس جاۋىن-شاشىن كۇتىلەدى.
