ءمينيستردىڭ ايتۋىنشا, ءبىرىنشى كەزەكتە شاكىرتاقى ماسەلەسىن قايتا قاراۋ جوسپارلانىپ وتىر.
«2025 جىلعا دەيىن ستۋدەنتتەردىڭ شاكىرتاقىسىن ەكى ەسە ارتتىرۋ جوسپارلانعان. سوندىقتان بيۋدجەتتە قارجىلاندىرۋدىڭ قاجەتتى كولەمىن قاراستىرۋ ماڭىزدى», دەدى ساياسات نۇربەك.
بۇدان بولەك, مينيستر جۋىردا بارلىق ستۋدەنتتەر الەمدىك تسيفرلىق كىتاپحانالارمەن تەگىن قامتاماسىز ەتىلەتىنىن اتاپ ءوتتى.
«Coursera كورپوراتسياسىمەن كەلىسىمگە قول قويىلدى. 16 قاڭتاردا تاراپتار قارجىلاندىرۋدىڭ ءبىرىنشى كەزەڭىنە شىعادى. وسىلايشا, بيىل Coursera-نىڭ قازاق جانە ورىس تىلىنە اۋدارىلعان العاشقى كۋرستارى ءبىزدىڭ ستۋدەنتتەرىمىز ءۇشىن قولجەتىمدى بولادى. جاستار بۇل رەسۋرستى ۇتىمدى پايدالانۋ قاجەت دەپ ەسەپتەيمىن», دەپ قوستى ساياسات نۇربەك.
