ەرلان قاريننىڭ مالىمدەۋىنشە, جاڭادان تاعايىندالعان مينيسترلەر – مادەنيەت جانە سپورت ءمينيسترى اسحات ورالوۆ پەن ەكولوگيا جانە تابيعي رەسۋرستار ءمينيسترى ءزۇلفيا سۇلەيمەنوۆا پرەزيدەنتتىك جاستار كادرلىق رەزەرۆىنىڭ (پجكر) قۇرامىنا ەنگەن. «بۇل جوبا مەملەكەت باسشىسى قاسىم-جومارت توقاەۆتىڭ باستاماسىمەن 2019 جىلى قولعا الىنعان ەدى. بۇگىنگى تاڭدا ۇكىمەتتىڭ ءۇش مۇشەسى پرەزيدەنتتىك جاستار كادرلىق رەزەرۆىنىڭ وكىلى. بۇگىنگە دەيىن 350 رەزەرۆيستتىڭ 258-ءى ءتۇرلى جاۋاپتى لاۋازىمدارعا تاعايىندالدى, ونىڭ 34-ءى «ا» كورپۋسىنىڭ مەملەكەتتىك ساياسي جانە مەملەكەتتىك قىزمەتشىلەرى (اپپارات باسشىلارى, كوميتەت توراعالارى)», دەپ مەملەكەتتىك كەڭەسشى كادرلىق رەزەرۆتىڭ قۇرامىن جىكتەپ بەردى.
سونىمەن قاتار ەرلان قارين جاس مامانداردى باسشىلىق قىزمەتكە كوتەرۋ بويىنشا جۇيەلى جۇمىس جالعاسىپ جاتقاندىعىن اتاپ ءوتتى. «پرەزيدەنتتىك جاستار كادرلىق رەزەرۆى جوباسىن ودان ءارى ىسكە اسىرۋ – پرەزيدەنتتىك سايلاۋ باعدارلاماسىنىڭ باسىم باعىتتارىنىڭ ءبىرى», دەپ قوستى ە.قارين.
