سوڭعى كۇندەرى ەلوردادا قاردىڭ كوپ تۇسۋىنە بايلانىستى «استانا جاستارى» كمم ەرىكتىلەرى جالعىزباستى قارت ادامداردىڭ اۋلالارىن قاردان تازارتتى.
«وسىنداي جىلى لەبىز ءبىلدىرۋ ارقىلى ءبىز ءبىر-بىرىمىزبەن تاجىريبە الماسامىز, كوپتەگەن ادامدارمەن تانىسىپ, يگى ءىس جاساۋعا تىرىسامىز. قورشاعان ورتا وسىلاي قالىپتاسادى. ماسەلەن, مەن مۇلدەم بەيتانىس ادامداردان العىس العان كەزدە ءوزىمدى پايدالى سەزىنەمىن. بۇل سەزىمدى سوزبەن ايتىپ جەتكىزۋ مۇمكىن ەمەس», دەيدى ەرىكتى مەرەي قالەل.
زەينەتكەرلەر ءوز كەزەگىندە ستۋدەنتتەرگە جانە استانا اكىمدىگىنە العىستارىن ءبىلدىردى.
«ماعان كوپ كومەكتەسكەن جاستارعا ريزامىن. سەبەبى ماعان اۋلانى قاردان تازارتۋ قيىن. ەرىكتىلەرگە العىس ايتامىن جانە ولارعا زور دەنساۋلىق تىلەيمىن», دەدى زەينەتكەر روزا سادۋاقاسوۆا.
ايتا كەتسەك, بۇل اكتسيا قىستىڭ سوڭىنا دەيىن جالعاسادى.
