«بۇگىن قاسىرەتتى قاڭتار وقيعاسىنا ءبىر جىل تولىپ وتىر. ەلدىگىمىزگە قاۋىپ توندىرگەن بۇل وقيعا تاريحىمىزدىڭ قايعىلى پاراعى رەتىندە جازىلدى. سول كەزدە شەرۋگە شىققان حالىقتى ءوز مۇددەلەرىنە پايدالانعىسى كەلگەن قىلمىستى توپتىڭ ماقساتى قانداي بولعانى قازىر انىقتالىپ جاتىر. ولار ارانداتۋ ارقىلى ەل ىرگەسىنە سىزات ءتۇسىرىپ, جىمىسقى ارەكەتتەرىن ىسكە اسىرۋدى كوزدەدى. الايدا, ەلدىڭ بىرلىگى مەن مەملەكەت باسشىسى قاسىم-جومارت كەمەل ۇلى توقاەۆتىڭ باتىل شەشىمدەرىنىڭ ارقاسىندا ءبىز بۇل سىن-قاتەردى ەڭسەرىپ, كەشەندى رەفورمالاردى قولعا الدىق», دەپ جازدى سەنات توراعاسى.
ماۋلەن اشىمباەۆتىڭ ايتۋىنشا, حالىقتىڭ ادىلەتتىلىككە دەگەن تالابى مەملەكەتتىك ساياساتتىڭ نەگىزگى تىرەگىنە اينالدى.
«قازىرگى تاڭدا ادىلەتتىلىك قاعيداسىن ءومىردىڭ بارلىق سالاسىنا ەنگىزۋ ءۇشىن تاباندى جۇمىس جۇرگىزىلىپ جاتىر. وسى ورتاق ماقساتتى ىسكە اسىرۋدا بىزگە ۇلت بولىپ ۇيىسۋ قاجەت. بۇل – مەملەكەتتىلىكتى نىعايتۋ جانە قاسىرەتتى كۇندەردىڭ قايتالانباۋى ءۇشىن اسا ماڭىزدى مىندەت», دەپ قوستى م.اشىمباەۆ.
ونىڭ اتاپ وتۋىنشە, قازاقستاندىقتار بۇل وقيعانى ءاردايىم سانادا ساقتاپ, ودان ساباق الۋعا ءتيىس.
«قاڭتاردا قازا بولعانداردىڭ رۋحىنا تاعزىم ەتۋ – ءبىزدىڭ ازاماتتىق پارىزىمىز. بۇل – ەڭسەلى ەلدىكتىڭ جانە بەكەم بىرلىكتىڭ بەلگىسى. ەندى تاريحىمىزدا مۇنداي قايعىلى وقيعالار ەشقاشان قايتالانباسىن», دەپ قورىتىندىلادى سەنات توراعاسى.
