كەزدەسۋ بارىسىندا كونستيتۋتسيالىق رەفورماعا سايكەس, كونستيتۋتسيالىق سوت پەن جوعارعى سوتقا جۇگىنۋ ارقىلى ازاماتتاردىڭ قۇقىقتارىن قامتاماسىز ەتۋگە باعىتتالعان ادام قۇقىقتارى جونىندەگى ۋاكىلدىڭ جاڭا وكىلەتتىكتەرى, سونداي-اق باس پروكۋراتۋرامەن ءوزارا ءىس-ارەكەت ماسەلەسى تالقىلاندى.
پرەزيدەنت قىلمىستىق ءىس بويىنشا سوت تورەلىگى مەن جازانى وتەۋ بارىسىندا ازاماتتارعا بەرىلەتىن كونستيتۋتسيالىق كەپىلدىكتى كۇشەيتۋ ءۇشىن سوت جۇيەسى مەن قۇقىق قورعاۋ ورگاندارىنىڭ ناقتى شارالار قابىلداۋى ماڭىزدى ەكەنىنە نازار اۋداردى.
كەزدەسۋ سوڭىندا قاسىم-جومارت توقاەۆ ومبۋدسمەن ينستيتۋتىن ودان ءارى دامىتۋعا جانە ونىڭ الەۋەتىن نىعايتۋعا باعىتتالعان باسىم مىندەتتەردى اتاپ ءوتىپ, ادام جانە ازامات قۇقىقتارىنىڭ بۇزىلماۋىنا بەرىلەتىن كونستيتۋتسيالىق كەپىلدىكتى ودان ءارى كۇشەيتۋ جونىندە بىرقاتار تاپسىرما جۇكتەدى.
