بۇل «جاڭا قازاقستان» دەپۋتاتتىق توبىنىڭ ساۋالىنا اۋىزشا جاۋاپ بولدى. وتىرىس قاڭتار وقيعاسى كەزىندە قازا تاپقانداردى ءبىر مينۋت ۇنسىزدىكپەن ەسكە الۋمەن باستالدى.
ءماجىلىس سپيكەرى ەرلان قوشانوۆ ءوز سوزىندە دەپۋتاتتارعا قاڭتار وقيعاسىنىڭ بيلىكتى باسىپ الۋدىڭ مۇقياق جوسپارلانعان ارەكەتى ەكەنىن انىق دالەلدەيتىن فاكتىلەر ۇسىنىلعانىن اتاپ ءوتتى.
ال ونى ۇيىمداستىرۋشىلار حالىقتى كوزسىز قولدانىپ, بەيبىت ميتينگىلەردى پايدالانىپ كەتتى.
«بۇل, اشىعىن ايتقاندا, تاۋەلسىزدىككە جاسالعان قاستاندىق بولاتىن! بىراق پرەزيدەنتىمىزدىڭ ەرىك-جىگەرىنىڭ, حالقىمىزدىڭ اقىل-پاراساتى مەن بىرلىگىنىڭ ارقاسىندا, قاتارداعى پوليتسەيلەردىڭ, دارىگەرلەردىڭ, ەرىكتىلەردىڭ ەرلىگى ارقىلى ءبىز مەملەكەتتىگىمىزدى قورعاپ, بەيبەرەكەتسىزدىككە جول بەرمەدىك», دەدى ەرلان قوشانوۆ.
ءماجىلىس توراعاسى قاڭتار وقيعاسى تۋرالى اقپاراتتى قاساقانا بۇرمالاۋعا مۇددەلى توپتاردىڭ ەل ىشىندە دە, سىرتىندا دا بار ەكەنىن اتاپ ءوتتى.
«بىرلىگىمىزدى بۇزعىسى كەلەتىن كۇشتەر كوپ. بۇل تۋرالى ۇمىتپايىق. ەندى حالىق ءادىل قوعام قۇرۋدان ءۇمىتتى. ءبىزدىڭ الدىمىزدا وتە ماڭىزدى مىندەتتەر تۇر. پرەزيدەنتتىڭ رەفورمالارىنىڭ توڭىرەگىندە ءبارىمىز بىرىگۋىمىز كەرەك», دەدى ەرلان قوشانوۆ.
وتىرىس سوڭىندا ءماجىلىس توراعاسى قاڭتار وقيعاسىنىڭ بولاشاقتا قايتالانباۋى ءۇشىن ساباق الۋ ماڭىزدى ەكەنىن اتاپ ءوتتى.
جالپى وتىرىستا باس پروكۋرور, ىشكى ىستەر ءمينيسترى, قوعام بەلسەندىلەرى مەن ءماجىلىس دەپۋتاتتارى ءسوز سويلەدى. سونىمەن قاتار بولعان وقيعالاردىڭ بەل ورتاسىندا بولىپ, سول كۇندەردىڭ بارلىق اۋىرتپالىعىن باستان وتكەرگەن پوليتسيا قىزمەتكەرلەرى, دارىگەرلەر, كاسىپكەرلەر, ەرىكتىلەر دە پىكىرىمەن ءبولىستى.
قاڭتار وقيعاسىنىڭ قايتالانۋىن بولدىرماۋ ماقساتىندا مەملەكەت تاراپىنان جاسالىپ جاتقان شارالار تۋرالى دەپۋتاتتاردىڭ ساۋالدارىنا ۇكىمەت مۇشەلەرى جاۋاپ بەردى.
جيىن رەسپۋبليكالىق تەلەارنالار مەن ينتەرنەت ارقىلى كورسەتىلدى.
جالپى وتىرىس باستالماس بۇرىن تەرگەۋ بارىسىندا تابىلعان قارۋ-جاراقتارمەن كورمە ۇيىمداستىرىلدى.
سونداي-اق وتكەن جىلدىڭ قاڭتارىنداعى تارتىپسىزدىكتەر كەزىندە ب ۇلىنگەن پوليتسەيلەردىڭ كيىمدەرى – قالقاندار, باس كيىمدەر, وق وتكىزبەيتىن كەۋدەشەلەر ۇسىنىلدى.
