اۋرۋحاناعا بيىل الىنعان شەتەلدىك مرت (ماگنيتتى رەزونانستى توموگرافيا) اپپاراتى 1,6 مىڭ بالانىڭ دياگنوزىن انىقتادى. جالپى قۋاتى جىلىنا 4 مىڭ بالانى تۇسىرۋگە جەتكىلىكتى.
جۋىردا وبلىس اكىمى ايداربەك ساپاروۆ اۋرۋحانا قىزمەتىمەن تانىسىپ, قىمبات جاراقتىڭ ءتيىمدى پايدالانىپ جاتقانىنا كوز جەتكىزدى. مۇندا تەكسەرۋدەن وتكەن 1,5 مىڭنان اسا ناۋقاس بالانىڭ 90 پايىزىنان استامىنىڭ دياگنوزى دۇرىس انىقتالعان. بىراق اپپاراتتى نۇسقاۋلىقتاعى رەجىمنەن اۋىتقىماي قولدانۋ شارت. كەيدە اپپاراتتىڭ سۋ رەجىمىنە قاراماي جەدەل جاتقىزىلعان ناۋقاستاردىڭ دياگنوزى ءدال انىقتالمايدى.
«بالالار ناۋقاسىنىڭ دياگنوزى ءدال انىقتالسا, ەمدەۋ ادىستەرى دە دۇرىس انىقتالادى. ياعني ەمدەۋدىڭ تيىمدىلىگى ارتاتىنى ءسوزسىز. قازىر اپپاراتتى ارنايى دايارلىقتان وتكەن ماماندار قولدانادى. كەيىنگى كەزدەرى بالالار سىرقاتى ازايدى», دەدى ا.ساپاروۆ.
بۇرىن ناۋقاستاردى باسقا اۋرۋحانالارعا تاسۋعا تۋرا كەلەتىن. ەندى ونداي ىڭعايسىزدىق جويىلدى. مرت-مەن قوسا بيىل كومپيۋتەرلىك توموگراف, وپەراتسيا جانە وڭالتۋ قوندىرعىلارى دا ورناتىلدى.
پەتروپاۆل
