تۋرنير ءۇش كۇن بويى – 26-28 جەلتوقسان ارالىعىندا الماتىدا ءوتتى. وعان قىتاي, ءۇندىستان, رەسەي جانە ت.ب. شاحماتتان ءداستۇرلى مىقتى ەلدەردىڭ اتىنان شىققان الەمنىڭ ۇزدىك سپورتشىلارى قاتىستى.
راپيد – ويلاۋدىڭ ۋاقىتى شەكتەۋلى ويىن ءتۇرى. الماتىداعى تۋرنيرلىك قاشىقتىق 11 تۋردان تۇردى. بەرىلگەن ۋاقىت - بۇكىل ويىن ءۇشىن ءاربىر قاتىسۋشىعا 15 مينۋت + 10 سەكۋند.
تۋرنير بارىسىندا قازاقستاندىق قازىرگى كەزدەگى الەمنىڭ ەڭ مىقتى شاحماتشىلارىنىڭ ءبىرى رەسەيلىك الەكساندرا گورياچكينانى جەڭدى.
تۋرنيرلىك قاشىقتىقتى باعىندىرعان قازاقستان سپورتشىسى قىتايلىق تان چجۋنيمەن بىردەي ۇپاي جينادى - 11 مۇمكىن ۇپايدىڭ 8,5-ءى. ۇپاي سانى بىردەي بولعان قىزدار چەمپيوناتتىڭ 1-ءشى جانە 2-ءشى ورىندارىن ءوزارا بولۋگە ءماجبۇر بولدى. مۇنداي جاعدايلاردا ارقاشان تاي-برەيك وينالادى. ءبىرىنشى ويىندا تەڭ ءتۇسىپ, ەكىنشى ويىندا قازاقستاندىق جەڭىلىپ قالدى. ايتا كەتەيىك, تاي-برەيككە دەيىن تان چجۋني دوپينگ-تەست تاپسىرۋدان باس تارتقان بولاتىن. ويىنداردى ەرتەرەك اياقتاعان دينارا پروتسەدۋرادان ءوتتى.
قازاقستاندىق ەڭ بەدەلدى حالىقارالىق گروسسمەيستەرلەردىڭ ءبىرى - ۋكراينالىق الەكساندر ارەششەنكومەن سەرىكتەستىكتە جۇمىس ىستەيدى. ول دينارانىڭ دايىندىعىن جاقسى دەپ باعالادى.
سونداي-اق قازىرگى وتباسىلىق جاعدايعا بايلانىستى دينارا سادۋاقاسوۆا كەلەسى 29 جانە 30 جەلتوقساندا الماتىدا وتەتىن بليتستەن الەم چەمپيوناتىنا, سونداي-اق جارىستىڭ رەسمي جابىلۋىنا قاتىسا المايدى. سپورتشى قىز ارىپتەستەرىنە الداعى ويىنداردا ساتتىلىك تىلەپ, ءتۋرنيردى ۇيىمداستىرۋشىلارعا العىسىن ءبىلدىردى.
