استانا قالاسىنىڭ تىلدەردى دامىتۋ جانە ارحيۆ ءىسى باسقارماسىنىڭ باسشىسى ساكەن ەسىركەپ 2022 جىلدىڭ 1 جەلتوقسانىندا ونوماستيكا كوميسسياسىنىڭ كەزەكتى وتىرىسى وتكەنىن ەسكە سالىپ, وندا جاڭا اۋدان قۇرۋ جانە وعان اتاۋ بەرۋ تۋرالى ماسەلە قارالدى.
«وزدەرىڭىز بىلەتىندەي, استانادا بەسىنشى اۋدان قۇرۋ تۋرالى ماسەلە كوپتەن بەرى كوتەرىلىپ كەلەدى. بۇل ماسەلە پايدا بولعاننان بەرى زيالى قاۋىم وكىلدەرىمەن عالىمدار جاڭا اۋدانعا قانداي اتاۋ تاڭداۋ كەرەكتىگىن ۇزاق تالقىلادى. ءبىز ەلدىڭ تاريحى مەن گەوگرافياسىنا قاتىستى اتاۋلاردى قاراستىردىق. ناتيجەسىندە ونوماستيكالىق كوميسسيانىڭ كۇن تارتىبىندە ەكى اتاۋ ۇسىنىلدى. ونىڭ ءبىرى - «نۇرا». وزدەرىڭىز بىلەتىندەي بۇل قاراعاندى جانە اقمولا وبلىستارىنىڭ اۋماعىندا اعىپ جاتقان وزەن», دەپ ءتۇسىندىردى ساكەن ەسىركەپ.
