كوللاجدى جاساعان زاۋرەش سماعۇل, «ەQ»
باعدارلامانىڭ نەگىزگى تالاپتارى ساقتالعانىمەن, بىرقاتار وزگەرىس تە بار. ماسەلەن, قارجىلاندىرۋعا ليميت ەنگىزىلدى. ەندى باعدارلاماعا جىلىنا 100 ملرد تەڭگە بولىنەدى. تيىسىنشە, ادىلدىك قاعيداتىن ساقتاۋ ءۇشىن «7-20-25» يپوتەكاسىن تەك ءبىر رەت الۋعا بولادى. ياعني بۇعان دەيىن «7-20-25»-پەن باسپانا العان ادام ەندى بۇل باعدارلاماعا قاتىسا المايدى. بۇل ءتيىمدى يپوتەكانىڭ شىنىمەن مۇقتاج ازاماتتارعا بەرىلۋى ءۇشىن كەرەك.
ساراپشى ايبار ولجاەۆتىڭ پىكىرىنە قاراعاندا, باعدارلامانىڭ جىلدىق ءليميتى كوممەرتسيالىق نارىقتى بۇزبايدى. «بۇعان دەيىن ساراپشىلاردىڭ كوبى بازالىق مولشەرلەمەنىڭ جوعارىلىعى جاعدايىندا «7-20-25» سەكىلدى تومەن مولشەرلەمەلى (مەملەكەت ارقىلى سۋبسيديالاناتىن) مەملەكەتتىك باعدارلامالاردىڭ نارىقتىق قارىم-قاتىناستاردى بۇزىپ, بانكتەردىڭ كوممەرتسيالىق يپوتەكانى دامىتۋىنا كەدەرگى كەلتىرەتىنىن العا تارتىپ كەلگەن ەدى. ەندى «7-20-25» ارقىلى ءبىر جىلعا بەرىلەتىن 100 ملرد تەڭگە نارىققا اناۋ ايتقانداي اسەر ەتە المايدى. ويتكەنى بۇل سوما تەڭىزگە تامعان تامشىداي عانا», دەدى ول.
2022 جىلعى 22 جەلتوقسانداعى جاعداي بويىنشا «7-20-25» باعدارلاماسى اياسىندا 852,2 ملرد تەڭگەگە 64 146 جەڭىلدەتىلگەن قارىز بەرىلدى. باعدارلاما 2018 جىلى ىسكە قوسىلعان بولاتىن.
