ارميا ايبىنىن اسىرعان كورمە

بۇرناعى كۇنى استانادا ەلىمىز قورعانىس مينيسترلىگىنىڭ ۇيىمداستىرۋىمەن “KADEX- 2010” ءبىرىنشى قارۋ-جاراق جانە اسكەري-تەحني­كا­لىق م ۇلىكتەردىڭ حالىقارالىق كورمەسى باس­تالدى. ونىڭ اشىلۋ سالتاناتىن ەلباسى نۇر­سۇلتان نازارباەۆ پەن ەلىمىزگە رەسمي ساپارمەن كەلگەن تۇرىك رەسپۋبليكاسىنىڭ پرەزيدەنتى ابدۋللا گۇل ارنايى كەلىپ تاماشالادى. اتالمىش كورمە اسكەري اۋە كۇشتەرىنىڭ ەلورداداعى اۆياتسيا­لىق بازاسى اۋماعىندا ۇيىمداس­تى­رىلىپ وتىر. كورمەنى ۇيىمداس­تى­رۋعا نەگىزگى ۇيىتقى بولعان “اس­تا­نا-ەكسپو كس” كورمە كومپانياسى. حالىقارالىق كورمەگە اۆستريا, بەلارۋس, بولگاريا, ۇلىبريتانيا, گەرمانيا, يسپانيا, يتاليا, قى­تاي, كورەيا, رەسەي, سلوۆاكيا, ءتۇر­كيا, ۋكراينا, فرانتسيا, چەحيا سەكىلدى وزگە دە ەلدەردىڭ كاسىپ­ورىن­دارى قاتىسۋدا. الەمنىڭ 20 ەلىنەن كەلگەن 200-دەن استام كومپانيا وزدەرىنىڭ قارۋ-جاراق جانە اسكەري تەحنيكا, ءىT-تەحنولوگيالار, بايلانىس, قۇ­رى­لىس جانە مەديتسينالىق م ۇلىك­تەرىن كورەرمەن نازارىنا ۇسىندى. كورمەنىڭ ماڭىزدى بولىگىن قازاق­ستان قارۋلى كۇشتەرىنىڭ قاجەتىنە ساي تاۋار وندىرەتىن وتاندىق كا­سىپورىنداردىڭ وكىلدەرى قۇراپ وتىر. قازاقستان تاراپىنان ءوز ونىمدەرىن كورمەنىڭ ارنايى دە­مەۋشىسى “كازاحستان ينجينيرينگ” ۇلتتىق كومپانياسىنىڭ بىرنەشە ەنشىلەس كاسىپورىندارى ۇسىندى. كورمەنىڭ باستى ماقساتتارىنىڭ ءبىرى وتاندىق كاسىپورىنداردىڭ ءمۇم­كىندىكتەرى مەن كەلەشەگىن, ولار­دىڭ قازاقستان قارۋلى كۇش­تەرى, وزگە دە اسكەرلەر مەن اسكەري قۇرالىمداردىڭ سۇرانىسىنا ءساي­كەس دامۋىن ساراپتاۋ بولىپ تا­بىلادى. – “KADEX-2010” كورمەسى ءبىز ءۇشىن رەسپۋبليكاعا اسكەري جانە ارنايى ونىمدەر شىعاراتىن شەتەلدىك ءىرى كاسىپورىنداردى تارتۋعا مۇمكىندىك تۋدىرىپ وتىر, – دەپ اتاپ ءوتتى ەلىمىز قورعانىس ءمينيسترى ادىلبەك جاقسىبەكوۆ. – كورمەگە قاتىساتىن بەدەلدى حالىق­ارالىق قۇرام وتاندىق ونەركاسىپتى دا­مىتۋ مەن عىلىمي-تەحنيكالىق با­زانى جەتىلدىرۋگە زور ىقپال ەتەدى. قازاقستان قورعانىس ۆەدوم­ستۆوسى باسشىسىنىڭ شاقىرۋىمەن كورمەگە قىتاي, يران قورعانىس مينيسترلەرى مەن وڭتۇستىك كورەيا قورعانىس ءمينيسترىنىڭ ورىنباسارى كەلدى. سونىمەن قاتار كورمەدە رەسەي فەدەراتسياسى, بەلارۋس, ۋكراينا رەسپۋبليكالارىنىڭ ءىر­گەلى قورعانىس-وندىرىستىك كومپا­نيا­لارىنىڭ باسشىلارى دا بولدى. “KADEX-2010” قارۋ-جاراق جانە اسكەري-تەحنيكالىق م ۇلىك كورمەسى شەڭبەرىندە كونفەرەن­تسيالار, سەمي­نارلار, تۇساۋكەسەرلەر مەن دوڭگەلەك ۇستەلدەر وتكىزىلۋدە. وعان قازاقستان قارۋلى كۇش­تەرىنىڭ قۇرىلىمدىق بولىمشەلەرى, كاسىپورىندار مەن ۇيىمداردىڭ ماماندارى, سونداي-اق, وتاندىق جانە شەتەلدىك كاسىپ­ورىنداردىڭ وكىلدەرى قاتىسۋدا. كورمەنىڭ اشىلۋ سالتاناتىنان كەيىن وعان قاتىسۋشىلار مەن تاما­شالاۋشى قوناقتار ءۇشىن ەلىمىزدىڭ قارۋلى كۇشتەرى ارنايى ءبولىم­دەرى­نىڭ جاۋىنگەرلىك تەحنيكا ۇلگى­لەرىن كورسەتۋگە ارنالعان كور­سە­تىلىم باعدارلاماسى ۇسىنىلىپ, جيىلعان جۇرتتى ءتانتى ەتتى. اۋە قورعانىسى كۇشتەرىنىڭ ۇشۋ توپتارى, سۋ-27 جانە ميگ-29 ۇشاق­تارىمەن جوعارى ساناتتاعى ۇشقىشتار ءوز ونەرلەرىن تالانت­تارىمەن بارىنشا ۇشتاستىرىپ, كورمە قوناقتارىن تاڭ-تاماشا قال­دىردى. قۇرمەتتى قاراۋىل روتاسى مەن قازاقستاندىق بروندى تەحني­كا­لاردىڭ جوعارى تەحنيكالىق ءمۇم­كىن­دىكتەرى دە كوپشىلىك نازارىن اۋدار­دى. اەروۇتقىر اسكەرلەردىڭ دەسانتشى جاۋىنگەرلەرى پارا­شيۋت­پەن سەكىرىپ تالايدى تاماشاعا بولە­گەنى ايبىندى ارميامىزدىڭ شىڭ­دالعان ساربازدارىنىڭ جاۋىنگەرلىك ەرەكشەلىكتەرىن جاڭا قىرىنان كورسەتكەندەي. وسى كۇنى ەلىمىز قورعانىس مي­نيسترىنىڭ جانە ارنايى كەلگەن كومپانيالار وكىلدەرىنىڭ قاتىسۋى­مەن “كورمە” ورتالىعىندا “قارۋ­لى كۇشتەردى تەحنولوگيالىق مودەر­نيزاتسيالاۋ جانە قازاقستان رەس­پۋب­ليكاسى قورعانىس-وندىرىستىك كەشەنىنىڭ دامۋى” تاقىرىبىندا حا­لىقارالىق اسكەري-تەحنيكالىق كون­فەرەنتسيا ءوتتى. جيىنعا قاتىسۋ­شىلار مەملەكەتتىك اسكەري-تەح­نيكالىق ساياسات شەڭبەرىندە قازاق­ستان ارمياسىنىڭ تەحنيكالىق جابدىقتالۋىنىڭ بولاشاعىن, سونداي-اق, قازاقستاننىڭ جانە باسقا دا ەلدەردىڭ قورعانىس-ءوندى­رىستىك كەشەنىن ينتەگراتسيالاۋ مۇمكىندىكتەرىن تالقىلادى. ايتۋلى كورمەنىڭ سالتاناتتى جا­بىلۋ ءراسىمى ەرتەڭ قورى­تىندىلانباق. ءابدىراحمان قىدىربەك, سۋرەتتەردى تۇسىرگەندەر س.بوندارەنكو, ب.وتارباەۆ