قازاقستان تەننيس فەدەراتسياسىنىڭ حابارلاۋىنشا, حوپمان كۋبوگى جانە ATP Cup جارىسىنىڭ ورنىن باساتىن اتالعان دوداعا قاتىسۋشىلار ATP جانە WTA رەيتينگىسىندە 500 ۇپايعا دەيىن يە بولىپ, سونداي-اق تابىس قورىن تولىقتىرا الادى.
قازاقستان نامىسىن يۋليا پۋتينتسەۆا (№51), جىبەك قۇلامباەۆا (جۇپتىق سىندا №202), گوزال اينيتدينوۆا (جۇپتىق سىندا №392), الەكساندر بۋبليك (№37), تيموفەي سكاتوۆ (№142), دەنيس ەۆسەەۆ (№292) جانە گريگوري لوماكين (جۇپتىق سىندا №205) قورعايدى.
ۆ توبىندا قازاقستاندىقتار پولشا جانە شۆەيتساريا قۇرامالارىمەن سىنعا تۇسەدى. بۇل توپتاعى باسەكەلەردىڭ ءبارى بريسبەندە وتەدى.
ءبىر قىزىعى, قازاقستان ايەلدەر قۇراماسى پولشا تەننيسشىلەرىمەن بيللي دجين كينگ كۋبوگىنىڭ ىرىكتەۋ ساتىسىندا الداعى جىلدىڭ ساۋىرىندە استانادا دا وينايدى.
پولشا قۇرامى: يگا سۆەنتەك (№1), حۋبەرت حۋركاچ (№10), ماگدا لينەتت (№48), كاسپەر جۋك (№245), دانيەل ميحالسكي (№260), اليتسيا روسولسكايا (جۇپتىق سىندا №32), لۋكاش كۋبوت (№245).
شۆەيتساريا: بەليندا بەنچيچ (№12), ستەن ۆاۆرينكا (№148), جيل تايحمان (№35), مارك-اندرەا حيۋسلەر (№56), يلەنا ين-البون (جۇپتىق سىندا №124), دومينيك ستەفان شتريكەر (№118), دجوان تسۋگەر (№188), الەكساندەر ريچارد (№169).
29 جەلتوقسان كۇنى قازاقستاندىقتاردان العاشقى بولىپ يۋليا پۋتينتسەۆا, ىلە-شالا تيموفەي سكاتوۆ شىعادى. پۋتينتسەۆا شۆەيتساريالىق بەليندا بەنچيچپەن شەبەرلىك بايقاسادى. ونىمەن بەس رەت كەزدەسىپ, ۇشەۋىندە جەڭگەن ەدى. سكاتوۆتىڭ قارسىلاسى – مارك-اندرەا حيۋسلەر.
