سوڭعى كۇندەرى ەلدىڭ باتىس جاعالاۋىنىڭ كوپ بولىگىندە, سونداي-اق حوككايدو ارالىندا قالىڭ قار جاۋدى. كەيبىر اۋداندارعا كۇندىز ءبىر مەترگە جۋىق قار ءتۇستى. گاز ەلەكتر جەلىلەرىن قار باسىپ, مىڭداعان ۇيلەردە ەلەكتر جارىعى ءوشىپ قالدى.
مەتەورولوگيالىق اگەنتتىك زارداپ شەككەن ايماقتاردىڭ تۇرعىندارىنا قالىڭ قار كەزىندە مۇمكىندىگىنشە جولعا شىقپاۋدى ەسكەرتتى. ۇكىمەت وكىلدەرى اۋا رايىنىڭ قولايسىزدىعىنان ونداعان ادامنىڭ زارداپ شەككەنىن حابارلادى.
NHK ۇلتتىق تەلەارناسىنىڭ حابارلاۋىنشا, قازا تاپقاندار اراسىندا قار تازالاپ جاتقاندا شاتىردان قۇلاپ كەتكەن ەر ادام مەن كولىكتە كومىرتەگى توتىعىنان ۋلانىپ قالعان ايەل تابىلعان.
سينوپتيكتەردىڭ مالىمەتىنشە, جاپونيانىڭ سولتۇستىك-شىعىس بولىگىندە قار ورتاشا دەڭگەيدەن ءۇش ەسە كوپ جاۋعان.
