سالتاناتتى ءىس-شارا كەڭەس وداعىنىڭ باتىرى باۋىرجان مومىش ۇلىنىڭ تۋعانىنا 112 جىل تولۋىنا وراي ۇيىمداستىرىلىپ وتىر.
وعان قارۋلى كۇشتەردىڭ ارداگەرى وتستاۆكاداعى گەنەرال-مايور مارات ناعۇمانوۆ, «Medi» شىعارماشىلىق ورتالىعىنىڭ پروديۋسەرى, حور جەتەكشىسى ءارى ۆوكاليسى حاليپا بوقانوۆا, «جاس سارباز» رەسپۋبليكالىق بالالار-جاسوسپىرىمدەر اسكەري-پاتريوتتىق قوزعالىسىنىڭ توراعاسى مەيىربەك مەڭدىعاليەۆ, بالالار ستۋدياسىنىڭ پەداگوگتەرى مەن شىعارماشىلىق ۇجىمى قاتىستى.
وقۋشىلار سالتاناتتى جاعدايدا انت بەرىپ, جاس پاتريوت كۋالىگىن الدى.
- سەندەردى وسى ماڭىزدى وقيعامەن قۇتتىقتايمىن! بۇگىندە بۇكىل ەلىمىز بويىنشا 250 مىڭنان استام ادامدى بىرىكتىرەتىن ۇلكەن ۇجىمعا قوسىلىپ وتىرسىڭدار. وقۋدا وزات بولىڭدار, شىعارماشىلىقتا ساتتىلىك تىلەيمىن! وتانىمىزدىڭ لايىقتى ازاماتى بولىپ وسىڭدەر, - دەدى مەيىربەك مەڭدىعاليەۆ.
