1 جەلتوقسانداعى جاعداي بويىنشا قازاقستاندىقتاردىڭ زەينەتاقى جيناقتارى 14,4 ترلن تەڭگەدەن استام بولدى. سونىمەن قاتار بجزق مالىمەتىنشە, جىل باسىنان بەرى بۇل كورسەتكىش 1,3 تريلليون تەڭگەدەن استامعا (نەمەسە 10,2 پايىزعا) ءوستى.
مىندەتتى كاسىپتىك زەينەتاقى جارنالارى (مزج) بويىنشا جيناقتالعان زەينەتاقى قاراجاتىنىڭ كولەمى 11 ايدا 20,7 پايىزعا ءوسىپ, شامامەن 436 ملرد تەڭگەنى قۇرادى. جىل باسىنان بەرى ەڭ ۇلكەن ءوسىم – 94,5 پايىز, 3,3 ملرد تەڭگەدەن اسقان ەرىكتى زەينەتاقى جارنالارى (ەزج) بويىنشا جيناقتالعان قاراجاتتار بولدى.
جىل باسىنان بەرى بجزق-دان تۇسكەن تولەمدەر 1,1 ترلن تەڭگەدەن استى.
«جاس بويىنشا تولەمدەر 22,6 پايىزعا ءوسىپ, شامامەن 109 ملرد تەڭگەنى قۇرادى. ايتا كەتەيىك, كەستە بويىنشا بجزق-دان تولەنەتىن ورتاشا ايلىق تولەمنىڭ مولشەرى (زەينەتكەرلىك جاسقا جەتۋىنە بايلانىستى) 29 876 تەڭگەنى, ال ەڭ جوعارعىسى – 707 326 تەڭگەنى قۇرادى», دەلىنگەن بجزق حابارلاماسىندا.
ەسكە سالايىق, ەڭبەك مينيسترلىگىنىڭ مالىمەتى بويىنشا 1 قاراشاداعى زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمىن ەسەپكە العاندا) 108 993 تەڭگەنى قۇرادى.
