2020 جىلدىڭ باسىندا گونكونگ بيلىگى كوروناۆيرۋستىق ينفەكتسيانىڭ تارالۋىن بولدىرماۋ ءۇشىن قىتايمەن شەكارالىق وتكەلدەردىڭ كوپشىلىگىن جاپتى.
قازىرگى شەكتەۋلەرگە سايكەس, قىتاي ماتەريگىنە گونكونگتان كىرۋ تەك قالالىق اۋەجاي, شەنچجەن شىعاناعى شەكارالىق وتكەل جانە گونكونگ-چجۋحاي-ماكاو كوپىرى ارقىلى عانا مۇمكىن بولادى.
قاراشا ايىندا قىتايدىڭ قازاقستانداعى ەلشىلىگى مەن باس كونسۋلدىعى ەلگە كەلەتىندەرگە HS دەنساۋلىق كودىن الۋ تالاپتارىن جاڭارتتى. ەندى قازاقستاننان قىتايعا تىكەلەي رەيسپەن ۇشاتىن جولاۋشىلار ساپار الدىندا 48 ساعات ىشىندە قازاقستان رەسپۋبليكاسىنىڭ اۋماعىندا رەسمي تىركەلگەن زەرتحانادا ءبىر رەت پتر-سىنامادان ءوتۋى جەتكىلىكتى. كەرى ساناق بيوماتەريال الىنعان ساتتەن باستالادى.
بۇدان بۇرىن حابارلانعانداي, وسى جىلدىڭ 23 جەلتوقسانىنان باستاپ قىتايدىڭ China Southern Airlines اۋە كومپانياسى ۆ-738 ۇشاعىمەن اپتاسىنا ءبىر رەيس جيىلىگىمەن الماتى-سيان باعىتى بويىنشا تۇراقتى جولاۋشىلار رەيسىن ورىنداۋدى جوسپارلاپ وتىر.
