قازاقستان پاكىستانعا 80-گە جۋىق تاۋار ءتۇرىن جەتكىزۋگە دايىن

«بۇگىندە قازاقستان - پاكىستان ىنتىماقتاستىعىنىڭ دامۋ الەۋەتى زور. قازاقستان پاكىستاندى وڭتۇستىك ازياداعى ماڭىزدى جانە پەرسپەكتيۆتى ساۋدا سەرىكتەسى رەتىندە قاراستىرادى. ءبىزدىڭ كاسىپكەرلەر وتاندىق ءونىمدى پاكىستان نارىعىنا، اتاپ ايتقاندا، ءداندى جانە بۇرشاقتى داقىلدار، وسىمدىك مايى، ماكارون، ۇن جانە كونديتەرلىك ونىمدەردى ەكسپورتتاۋعا، ال قازاقستان ءوز تاراپىنان جەمىس-كوكونىس ونىمدەرىن يمپورتتاۋعا مۇددەلى. بولاشاقتا ءبىزدىڭ ەل پاكىستان نارىعىنا $411 ملن استام سوماعا ءارتۇرلى سالالارداعى وڭدەلگەن تاۋارلاردىڭ 80-گە جۋىق ءتۇرىن جەتكىزۋگە دايىن»، دەدى سەرىك جۇمانعارين كىرىسپە سوزىندە. 

وتىرىس بارىسىندا سەرىك جۇمانعارين ەكى ەل ىنتىماقتاستىعىنىڭ پەرسپەكتيۆتى سالالارىن اتادى. بۇل – جەر قويناۋىن پايدالانۋ، اگروونەركاسىپتىك كەشەن، جەڭىل ونەركاسىپ. سونداي-اق قازاقستاندىق تاراپ قازاقستاندىق ەكسپورتتاۋشىلارعا وڭتۇستىك تەڭىز پورتتارىنا ەڭ قىسقا شىعۋدى قامتاماسىز ەتۋ ءۇشىن وڭتۇستىك ازيا نارىقتارىنا جەتكىزۋدىڭ كولىك-ەكسپورتتىق باعىتتارىن ارتاراپتاندىرۋعا مۇددەلىلىك ءبىلدىردى.

ۇكىمەتارالىق كوميسسيا جۇمىسىنىڭ قورىتىندىسى بويىنشا تاراپتار 9 قۇجاتقا قول قويدى:

• قر اۆياتسيالىق بيلىگى مەن پير اراسىنداعى ءوزارا تۇسىنىستىك تۋرالى مەموراندۋم;
• پەندجاب بانكى مەن «بانك تسەنتركرەديت» اق اراسىنداعى ءوزارا تۇسىنىستىك تۋرالى مەموراندۋم;
• «KAZAKH INVEST» ۇك» اق، «QAZTRADE «سسدو» اق، پاكىستاننىڭ ساۋدانى دامىتۋ باسقارماسى (TDAP) جانە پاكىستاننىڭ ينۆەستيتسيالار جونىندەگى كەڭەسى اراسىنداعى ءوزارا تۇسىنىستىك تۋرالى مەموراندۋم;
• 2023 جىلدىڭ ناۋرىز-ماۋسىم ايلارىندا قازاقستانعا جيىنتىق كولەمى 120 مىڭ توننا بولاتىن كارتوپ جەتكىزۋ تۋرالى التى مەموراندۋم.

سونداي-اق قازاقستاندىق تاراپ پاكىستاندىق NBC (National Logistic Cell) لوگيستيكالىق كومپانياسىمەن كەزدەسىپ، اۋعانستان ارقىلى اۆتوموبيل ءترانزيتى ماسەلەلەرىن تالقىلادى. كومپانيا تاسىمالداۋدى ساقتاندىرۋعا جانە جۇكتەردى پاكىستاننان قازاقستانعا ەڭ قىسقا مارشرۋت بويىنشا جەتكىزۋدى قامتاماسىز ەتۋگە دايىن ەكەندىگىن اتاپ ءوتتى. 

ۇكىمەتارالىق كوميسسيا وتىرىسىمەن قاتار قازاقستاندىق جانە پاكىستاندىق بيزنەستىڭ B2B كەزدەسۋلەرى، بىرلەسكەن ىسكەرلىك كەڭەس ءوتتى. كەزدەسۋلەردىڭ قورىتىندىسى بويىنشا «Dala Trans» جشس جانە پاكىستاندىق «Haroon Brothers and co» كولىك-لوگيستيكالىق كومپانياسى پاكىستاننان قازاقستانعا تاۋارلار، سونداي-اق پاكىستان اۋماعى ارقىلى تەمىرجول كولىگىمەن جانە باسقا دا نەعۇرلىم ءتيىمدى مۋلتيمودالدى مارشرۋتتارمەن مەملەكەتتەر اۋماعى ارقىلى ترانزيت ءۇشىن جۇك اعىنىن تارتۋدا ءوزارا ىنتىماقتاستىق تۋرالى مەموراندۋمعا قول قويدى.

«Dala Trans» جشس كوممەرتسيالىق ديرەكتورى نۇرسۇلتان ناجىمەتدينوۆ تە ساپار قورىتىندىلارىنا توقتالدى. ول پاكىستاننىڭ قازاقستاندىق تاۋارلاردى جەتكىزۋگە قىزىعۋشىلىق تانىتىپ وتىرعانىن ايتتى.

ء«بىز ەلدەرىمىزگە جۇكتەر ءترانزيتى جانە تاسىمالداۋ بويىنشا ىنتىماقتاستىق تۋرالى مەموراندۋمعا قول قويدىق، قازىرگى كەزدە باسقا الەۋەتتى سەرىكتەستەرمەن قوستانايدان حايراتونعا دەيىن 2500 توننا ۇن جانە پاكىستاننان جىلىنا 50 مىڭ تونناعا جۋىق كارتوپ تاسىمالداۋ ماسەلەسىن تالقىلاپ جاتىرمىز»، دەدى ول. 

«بارىس-2007» جشس باس ديرەكتورى، Gramad ساۋدا جەلىسىنىڭ يەسى، ماكارون جانە كونديتەرلىك ونىمدەردى ءوندىرۋشى ايجان نايمبەكوۆا پاكىستانعا ىسكەرلىك ساپارى اياسىندا كۇرىش، كونديتەرلىك ونىمدەر جانە بۋىپ-ءتۇيۋ بويىنشا جاقسى ۇسىنىستار الدى.

«مۇندا كەلىسىمشارتتارعا قول قويۋعا بولادى دەپ ويلايمىن. ول ءۇشىن ءبىز قازاقستانعا كەلگەن سوڭ بارلىق ۇسىنىستار بويىنشا شىعىن بولىگىن ەسەپتەپ، نەعۇرلىم وڭتايلى ۇسىنىستاردى تاڭدايمىز. پاكىستانعا ماكارون ونىمدەرىن جەتكىزۋگە بولادى. مەنىڭشە، ءبىز ءوزارا ءتيىمدى كەلىسىمدەرگە قول جەتكىزەمىز»، دەدى ايجان نايمبەكوۆا.