«رەسپۋبليكادا كوروناۆيرۋستىق ينفەكتسيا بويىنشا ەپيدەميولوگيالىق جاعداي تۇراقتى. ەپيدەميولوگيالىق جاعدايدى باعالاۋ ماتريتساسىنا سايكەس رەسپۋبليكا جانە بارلىق وڭىرلەر جاسىل ايماقتا ورنالاسقان. تاۋلىگىنە COVID-19 بويىنشا پتر-ءدىڭ وڭ ناتيجەلى 300-گە دەيىن جاعدايى جانە پتر-ءدىڭ تەرىس ناتيجەلى 40-قا دەيىن جاعدايى تىركەلەدى, ناۋقاستاردىڭ 99%-ى ساۋىعىپ كەتتى», دەپ حابارلادى دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتاريالىق دارىگەرى ايجان ەسماعامبەتوۆا.
ونىڭ ايتۋىنشا, سوڭعى اپتادا وتكەن اپتامەن سالىستىرعاندا سىرقاتتانۋشىلىق 3%-عا وسكەن.
سونىمەن قاتار, 12 وڭىردە (استانا, الماتى قالالارى, اقمولا, اقتوبە, شقو, اباي, بقو, قاراعاندى, ۇلىتاۋ, قوستاناي, قىزىلوردا, ماڭعىستاۋ وبلىستارى) R كورسەتكىشى بىرلىكتەن جوعارى, بۇل ينفەكتسيانىڭ تارالۋىنىڭ وسكەنىن كورسەتەدى.
وسىعان بايلانىستى سپيكەر R كورسەتكىشىن 1-دەن جوعارى تىركەۋ كەزىندە بمسدق-عا سايكەس حالىق كوپ جينالاتىن جەرلەردە بەتپەردە تاعۋ ۇسىنىلاتىنىن ەسكە سالدى.
قازىرگى ۋاقىتتا جرۆي جانە تۇماۋمەن سىرقاتتانۋشىلىقتىڭ ماۋسىمدىق ءوسۋى بايقالادى, وسىلايشا, وتكەن جىلدىڭ وسى كەزەڭىمەن سالىستىرعاندا سىرقاتتانۋشىلىق 20%-عا ءوستى.
