ءبىرىنشى كۇنى م. تىلەۋبەردى ورتالىق ازيا مەملەكەتتەرىنىڭ سىرتقى ساياسي ۆەدومستۆولارى باسشىلارىنىڭ جاپونيا پرەمەر-ءمينيسترى فۋميو كيشيدامەن كەزدەسۋىنە قاتىستى. ءوز سوزىندە م.تىلەۋبەردى 30 جىل ىشىندە قازاقستان مەن جاپونيا بىرلەسكەن كۇش-جىگەردىڭ ارقاسىندا ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى قاتىناستاردىڭ دامۋ سەرپىنىن كورسەتەتىن كەڭەيتىلگەن ستراتەگيالىق ارىپتەستىك دەڭگەيىنە قول جەتكىزە العانىن اتاپ ءوتتى.
سونداي-اق مينيسترلەر جاپونيانىڭ ورتالىق ازيا ەلدەرىمەن دوستىق پارلامەنتتىك ليگاسىنىڭ مۇشەلەرىمەن كەزدەستى. ول 2022 جىلعى 24 قاراشادا جاپونيانىڭ ءبىزدىڭ ءوڭىر مەملەكەتتەرىمەن ديپلوماتيالىق قاتىناستاردىڭ ورناعانىنا 30 جىل تولۋىنا وراي قۇرىلدى. بۇل ليگادا ءارتۇرلى ساياسي پارتيالاردىڭ اتىنان شىققان جاپونيا پارلامەنتىنىڭ ەكى پالاتاسىنىڭ دەپۋتاتتارى بار.
مينيستر م. تىلەۋبەردى ليگانىڭ بەيبىتشىلىك پەن تۇراقتىلىقتى نىعايتۋ, ورنىقتى دامۋدى قامتاماسىز ەتۋ جونىندەگى وڭىرارالىق جانە جاھاندىق كۇش-جىگەردى شوعىرلاندىرۋ ءۇشىن بەلسەندى پارلامەنتارالىق جانە پارتياارالىق ديالوگتى كەڭەيتۋگە قىزمەت ەتۋگە شاقىرىلعانىنا سەنىم ءبىلدىردى.
