«بيىل ءورت قاۋپى كەزەڭىنىڭ باسىنان باستاپ 800 ورمان جانە 111 دالا ءورتى تىركەلدى», دەپ اتاپ ءوتتى يۋري يلين.
سونىمەن بىرگە ول ەكولوگيا, گەولوگيا جانە تابيعي رەسۋرستار مينيسترلىگىنە ورمان ورتتەرىن ەرتەرەك انىقتاۋ جۇيەسىن قولدانۋ تاجىريبەسىن كۇشەيتۋ قاجەت ەكەنىن اتاپ ءوتتى. قازىرگى ۋاقىتتا وسىنداي جۇيە تەك «بۋراباي» تابيعي پاركى اۋماعىندا ورناتىلعان. وندا مۇناراعا ورناتىلعان بەينەكامەرەلاردىڭ كومەگىمەن ورماننىڭ تۇكپىر-تۇكپىرىنە دەرلىك باقىلاۋ جۇرگىزىلەدى.
پرەمەر-مينيستر ءاليحان سمايىلوۆتىڭ ءورت جانە اۆياتسيالىق تەحنيكانىڭ سۋ الۋى ءۇشىن تابيعي جانە جاساندى سۋ ايدىندارىن جاساۋ تۋرالى تاپسىرماسى باستى نازاردا ەكەنى دە ايتىلدى.
بۇدان وزگە وبلىستاردىڭ اكىمدىكتەرىنە قامىس ورتەنگەن جاعدايدا ءورتتىڭ ورمان القاپتارىنا جانە ازاماتتاردىڭ تۇرعىن ۇيلەرىنە وتۋىنە جول بەرمەۋ ءۇشىن قامىس وسىمدىكتەرىن ۋاقتىلى ورۋ جۇمىستارىن جۇرگىزۋ تاپسىرىلدى.
ورتكە قارسى قىزمەت كوميتەتىنىڭ توراعاسى نۇربولات دەربىسوۆ ءورت قاۋىپسىزدىگى تالاپتارىنىڭ ساقتالۋىن باقىلاۋ ماقساتىندا 2022 جىلى 15 مىڭنان استام رەيد جۇرگىزىلگەنىن اتاپ ءوتتى. رەيدتەر ناتيجەلەرى بويىنشا 1,5 مىڭنان استام تۇلعا اكىمشىلىك جاۋاپكەرشىلىككە تارتىلدى. ال جەرگىلىكتى اتقارۋشى ورگاندارعا ەلدى مەكەندەردىڭ قاۋىپتى كەزەڭگە دايىن ەمەستىگى تۋرالى 1,7 مىڭنان استام ەسكەرتۋ جاسالدى.
