– مەملەكەت باسشىسى جۇكتەگەن مىندەت – ءححى عاسىرداعى ادامعا باعدارلانعان پوليتسيا. ونىڭ ولشەمى – حالىقتىڭ سەنىمى. حالىق سەنگەن كەزدە تىعىز بايلانىستا بولادى, سوندا ول پوليتسيا جۇمىسىنىڭ تيىمدىلىگىن كورە الادى. جالپى جوبانى ءبىز «سەرۆيستىك مودەل» دەپ اتايمىز. بۇگىنگى مىندەت – جىلدام ءارى ساپالى قىزمەت كورسەتۋ, دەدى مارات احمەتجانوۆ.
سونداي-اق ۆەدومستۆو باسشىسى «سەرۆيستىك ورتالىقتاردىڭ ماقساتتى اۋديتورياسى كىم بولادى؟» دەگەن سۇراققا جاۋاپ بەرىپ, ءوزارا ارەكەتتەسۋدىڭ ناقتى قۇرىلىمىن قۇرۋ جانە فۋنكتسيالاردىڭ قايتالانۋىنا جول بەرمەۋ قاجەتتىگىن اتاپ ءوتتى.
ستاتسيونارلىق پوليتسيا عيماراتتارىندا بارلىق نەگىزگى قىزمەتتەر شوعىرلانعانى ايتىلدى. سونىمەن بىرگە بۇل عيماراتتاردىڭ رەجيمدىك تۇردە بولاتىنى ۇمىت قالمادى. ولارعا قولجەتىمدىلىك شەكتەۋلى. بۇرىن فرونت-كەڭسەلەر اشىلعان ەدى, بىراق ولار پوليتسيانىڭ قابىلداۋ بولىمدەرى مەن انىقتامالىق بيۋرولارعا اينالدى, وندا ادامداردىڭ ناقتى پروبلەمالارى شەشىلمەۋى مۇمكىن.
سوندىقتان ءارتۇرلى اۋديتورياعا پوليتسيا قىزمەتىن كورسەتۋدىڭ ءۇش دەڭگەيلى مودەلىن قۇرۋ ۇسىنىلادى. ءبىرىنشىسى – جولاۋشىلار نەمەسە وتكىنشى ادامدار. ولار ءۇشىن قوعامدىق ورىندارىنداعى مودۋلدىك بەكەتتەر جۇمىس ىستەيدى. ەكىنشىسى – ۋچاسكەلىك پوليتسيا پۋنكتتەرىنە جۇگىنەتىن اۋدان (اۋماق) تۇرعىندارى. ءۇشىنشىسى – اكىمشىلىك جانە قىلمىستىق ىستەر بويىنشا شەشىمدەرمەن كەلىسپەگەن ادامدار, قۇقىق بۇزۋشىلار, قىزمەت الۋشىلار.
ازاماتتاردىڭ وتىنىشتەرىن قاراستىرۋ عانا ماڭىزدى ەمەس. ولار قۇقىقتىق ءتارتىپ ماسەلەلەرىن جان-جاقتى تالداۋدىڭ نەگىزدەرىنىڭ ءبىرى بولۋى كەرەك. بۇل سالاداعى پروفيلاكتيكا تەك پوليتسيا قىزمەتىمەن شەكتەلمەيدى. ول ءۇشىن پوليتسيانىڭ سەرۆيستىك ورتالىقتارى جانىنان ءارتۇرلى ۆەدومستۆولاردىڭ قۇقىق قورعاۋشىلارىنان, اكىمدىكتەر قىزمەتكەرلەرىنەن جانە قوعام بەلسەندىلەرىنەن تۇراتىن قاۋىپسىزدىكتى قامتاماسىز ەتۋدىڭ ۆەدومستۆوارالىق توپتارى قۇرىلادى.
قاۋىپسىزدىك ماسەلەلەرىن شەشۋ مينيسترلىكتەر كابينەتتەرىندە ەمەس, جەرگىلىكتى جەرلەردە جۇزەگە اسىرىلادى. بۇعان جۇرتشىلىق تىكەلەي قاتىسادى. بۇل «پروبلەماعا باعىتتالعان ءتاسىل» دەپ اتالادى.
سونىمەن قاتار كەزدەسۋدە قالادا بەينەباقىلاۋ جۇيەلەرىن دامىتۋ جانە جەكە جۇيەلەردى بىرىڭعاي ديسپەتچەرلىك پۋنكتكە ينتەگراتسيالاۋ تالقىلاندى.
