قازاقستان تاراپىنىڭ ۇسىنىسىمەن 2023 جىل تۇركى الەمىندە تەمىربەك جۇرگەنوۆ جىلى بولىپ جاريالاندى. سونداي-اق تۇركسوي اياسىندا تەاتر جانە كينو اكتريساسى بيكەن ريموۆانىڭ 100 جىلدىعى, جازۋشى ماعجان جۇماباەۆتىڭ 130 جىلدىعى, قازاق اقىنى, ادەبيەتتانۋشى, جازۋشى مۇزافار الىمباەۆتىڭ 100 جىلدىعى تۇركى تىلدەس ەلدەردە كەڭىنەن اتالىپ وتەتىن بولادى.
«تۇركسوي ىقپالىمەن تۇركى الەمىنىڭ ىنتىماقتاستىعى ساپالى جاڭا دەڭگەيگە كوتەرىلۋدە. تاريحي-مادەني مۇرانى ساقتاۋعا ماڭىزدى ءمان بەرىلىپ وتىر. 2023 جىلى حالىقارالىق تۇركى مادەنيەتى ۇيىمىنىڭ (تۇركسوي) قۇرىلعانىنا 30 جىل تولاتىنىن بىلەمىز. مەرەيتوي جىلى بارلىق باعىتتار بويىنشا جۇمىستى ودان ءارى جانداندىرىپ, بىرىگىپ جۇمىس ىستەۋگە دايىنبىز», دەدى داۋرەن اباەۆ.
ايتا كەتەيىك, 2023 جىلى سۇلتان بەيبارىستىڭ 800 جىلدىعىنا وراي تۇركسوي قولداۋىمەن فيلم شىعارۋ جانە ونى ۇيىمعا مۇشە مەملەكەتتەر اۋماعىندا كورسەتۋ جوسپارلانعان.
ءوز كەزەگىندە سۇلتان راەۆ ۇيىم اياسىنداعى بەلسەندى جۇمىسى ءۇشىن قازاقستان تاراپىنا العىس ءبىلدىردى جانە مەرەيتويلاردى جوعارى دەڭگەيدە وتكىزۋ تۇركسوي مەملەكەتتەرى اراسىنداعى بايلانىستاردى نىعايتۋعا زور ۇلەس قوساتىنىن اتاپ ءوتتى.
