بۇگىنگى كۇنى مەملەكەت وسى كۇردەلى داقىلدى وسىرۋگە جۇمسالاتىن شىعىنداردى ءىشىنارا سۋبسيديالايدى. سونداي-اق زاۋىتتارعا تاپسىرىلعان ءونىم سۋبسيديالانادى. 2021 جىلى وڭىرلەردەگى قىزىلشا وسىرۋشىلەر شامامەن 3 ملرد تەڭگە الدى.
2022 جىلى سۋبسيديالاۋ ءنورماتيۆى 3 مىڭ تەڭگەگە ۇلعايىپ, وڭدەۋگە تاپسىرىلعان قانت قىزىلشاسىنىڭ تونناسى ءۇشىن 15 مىڭ تەڭگەنى قۇرادى. زاۋىتتار شيكىزاتتى تونناسىنا 15 مىڭ تەڭگەدەن ساتىپ الادى. تۇپتەپ كەلگەندە, شارۋالاردىڭ ونىمىنە 30 مىڭ تەڭگە تولەنەدى.
2023 جىلدان باستاپ سۋبسيديالاۋ ءنورماتيۆى 15 مىڭ تەڭگەدەن 25 مىڭ تەڭگەگە دەيىن ۇلعايتىلادى, سونىڭ ارقاسىندا قىزىلشا وسىرۋشىلەر ءوز ءونىمىنىڭ ءار تونناسىن 40 مىڭ تەڭگەگە ساتاتىن بولادى. وسىلايشا, قانت قىزىلشاسىنىڭ رەنتابەلدىلىگى باسقا داقىلداردىڭ دەڭگەيىنە جەتكىزىلەدى.
بۇدان بولەك, قانت سالاسىن دامىتۋدى ىنتالاندىرۋ شەڭبەرىندە ينۆەستيتسيالىق سۋبسيديالاۋ تىزبەسىنە جاڭا قانت زاۋىتتارىنىڭ قۇرىلىسى ەنگىزىلمەك, كاپيتال سالىمدارىنىڭ 25% مەملەكەت وتەيدى.
قىزىلشا جينايتىن كومبايندار مەن سۋارۋ تەحنيكالارىن ساتىپ الۋعا وتەماقى ءنورماتيۆىن 25%-دان 50%-عا دەيىن ۇلعايتۋ ماسەلەسى پىسىقتالىپ جاتىر. سۋبسيديالاۋدىڭ جاڭا ەرەجەلەرى 2023 جىلدان باستاپ كۇشىنە ەنەدى دەپ كۇتىلىپ وتىر.
ايتا كەتەيىك, 2026 جىلعا دەيىن قانت سالاسىن دامىتۋ جونىندەگى كەشەندى جوسپاردى ىسكە اسىرۋ اياسىندا ەگىستىك القاپتارىن 38 مىڭ گەكتارعا دەيىن ۇلعايتۋ جوسپارلانعان.
