دەنساۋلىق ساقتاۋ ءمينيسترى اجار عينياتتىڭ ايتۋىنشا, ەلىمىزدە قاراشا ايىنىڭ باسىنان باستاپ كوروناۆيرۋسپەن سىرقاتتانۋدىڭ ءوسۋى بايقالادى. تاۋلىگىنە كۆي+ جۇقتىرۋدىڭ 235 جانە كۆي- جۇقتىرۋدىڭ 40 جاعدايى تىركەلەدى. كەيىنگى اپتادا سىرقاتتانۋشىلىق 21%-عا ارتقان (اپتاسىنا 1 001 جاعدايدان 1 283-كە دەيىن).
«بۇگىنگى تاڭدا بارلىق ءوڭىر – «جاسىل ايماقتا». سونىمەن قاتار 15 وڭىردە R كورسەتكىشى بىرلىكتەن جوعارى, بۇل – ينفەكتسيانىڭ تارالۋىنىڭ ءوسۋىنىڭ بەلگىسى. باس مەملەكەتتىك سانيتارلىق دارىگەردىڭ قاۋلىسىنا سايكەس R كورسەتكىشى 1-دەن جوعارى بولسا, قوعامدىق ورىنداردا ماسكا تاعۋ ۇسىنىلادى», دەدى ا.عينيات.
ۆيتسە-پرەمەر ا.كولگىنوۆ مەملەكەتتىك ورگانداردىڭ باسشىلارىنا, اكىمدىكتەرگە حالىقتى ۆاكتسينالاۋ جانە رەۆاكتسينالاۋ جۇمىستارىن جانداندىرۋدى, حالىق اراسىندا ءتۇسىندىرۋ جۇمىستارىن كۇشەيتۋدى تاپسىر-
دى.
بۇگىنگى تاڭدا ءبىرىنشى كومپونەنتپەن ۆاكتسينا سالدىرعان حالىقتىڭ ۇلەسى 81,1%-دى قۇرايدى, ەكىنشى كومپونەنتپەن ۆاكتسينا العاندار– 79,3%. العاشقى رەۆاكتسينالاۋدان 5,6 ملن ادام نەمەسە ءتيىستى حالىقتىڭ 70%-ى, قايتا رەۆاكتسينالاۋدان 1,1 ملن ادام نەمەسە ءتيىستى حالىقتىڭ 51,9%-ى ءوتتى.
