بۇگىن ساعات 10.30 شاماسىندا قوستاناي-قارابۇتاق اۆتوجولدىڭ 275-شاقىرىمىندا جەڭىل اۆتوكولىك جۇرگىزۋشىسى رولگە يە بولا المادى. سالدارىنان جۇرگىزۋشى تىزگىندەگەن كولىك قارسى قوزعالىس جولاعىنا شىعىپ كەتىپ, «گازەل» اۆتوكولىگىمەن سوقتىعىستى. سودان كەيىن ەكى كولىك ورتەنىپ كەتكەن.
جەڭىل اۆتوكولىك جۇرگىزۋشىسى مەن جولاۋشى وقيعا ورنىندا قازا تاپتى. «گازەل» جۇرگىزۋشىسى اۋرۋحاناعا جەتكىزىلدى.
قامىستى اۋداندىق پوليتسيا ءبولىمىنىڭ باستىعى ەرلان ءمۋسيننىڭ ايتۋىنشا, قازىرگى ۋاقىتتا پوليتسيا جكو فاكتىسى بويىنشا قر قك-ءنىڭ 345-بابىندا كوزدەلگەن «جول قوزعالىسى ەرەجەسىن بۇزۋ» بويىنشا سوتقا دەيىنگى تەرگەۋدى باستادى. قاجەتتى تەرگەۋ ارەكەتتەرى جۇرگىزىلۋدە, قاجەتتى ساراپتامالار تاعايىندالادى.
