فورۋم اياسىندا مەديا ماماندار مەن تانىمال ساراپشىلار وڭىردەگى مەديانى دامىتۋدىڭ وزەكتى ماسەلەلەرىن تالقىلاپ, ورتالىق ازيادا ورتاق مەديا كەڭىستىك قۇرۋ يدەياسىن ساراپتايدى.
ورتالىق ازيا مەديا فورۋمىنىڭ كۇن تارتىبىندەگى باستى ماسەلە – بىرىڭعاي مەديا پلاتفورما قالىپتاستىرۋ. ءىس-شاراعا 100-دەن استام سپيكەر قاتىسادى. اتاپ ايتقاندا, حالىقارالىق دەڭگەيدەگى بەلگىلى عالىمدار, ساياساتكەرلەر, جۋرناليستەر, بەدەلدى ساراپشىلار مەن مەديا سالاسىنداعى حالىقارالىق ۇيىمداردىڭ وكىلدەرى.
فورۋمنىڭ پانەلدىك سەسسياسىندا تۇركيانىڭ 11-پرەزيدەنتى ابدوللا گۇل, مونعوليانىڭ 3-پرەزيدەنتى نامبارىن ەنحبايار ءوز ويلارىن ورتاعا سالادى.
سونىمەن قاتار ءىس-شاراعا تۇركى مەملەكەتتەرى ۇيىمى, يسلام ىنتىماقتاستىعى ۇيىمى, تۇركى مەملەكەتتەرىنىڭ پارلامەنتتىك اسسامبلەياسى, تۇركسوي, اىوسشك, بۇۇ, يۋنەسكو, يۋنيسەف, UNFPA, ەقىۇ قازاقستانداعى وكىلدىكتەرى قاتىسادى.
تانىمال قازاقستاندىق ءانشى ديماش قۇدايبەرگەن, بۇۇ رەزوليۋتسيا ارقىلى بەكىتكەن 21 قىركۇيەكتەگى «حالىقارالىق بەيبىتشىلىك كۇنىنىڭ» جانە الەمدىك «Peace one day»جوباسىنىڭ اۆتورى دجەرەمي گيلليمەن بىرگە بەيبىتشىلىك يدەياسى بويىنشا ارنايى سەسسيا وتكىزەدى.
