ۇبت: ءۇشىنشى كۇن

جۇرەكتەر ءلۇپىل قاعادى. مەكتەپ پارتاسىنىڭ سوڭعى سىناعى. ەندى ۇلكەن ءومىر باسپالداعىنا جول اشادى. اعىمداعى جىلدىڭ 4 ماۋسىمىنداعى تەست تاپ­سى­رۋعا 24104 تۇلەك قاتىسىپ, وزدە­رىنىڭ باعىن سىنادى.ۇلكەن دايىن­دىقپەن كەلگەن بۇل كۇنگى ءدۇبىرلى دودا 60 تەست تاپسىرۋ ورتالىعىندا ەسىگىن ايقارا اشتى. جىل سايىنعى ۇزدىگە كۇتكەن بۇل كۇنگە 10 تالاپكەر ءتارتىپ بۇزعانى ءۇشىن اۋديتورياعا جىبەرىلمەدى. تالاپكەرلەردىڭ قالتالارىنان 11046 ۇيالى تەلەفون, 7533 شپارگالكا الىنسا, ولاردىڭ جانىنان 438 كالكۋلياتور شىعىپ وتىر. سونداي-اق 82 فوتواپپارات, 8 راتسيا, 8 بليۋتۋز, 19 فلەشكا, 17 wi-fi تاعى بار. سىناقتىڭ قىزا تۇسكەن ءۇشىنشى كۇنىندە قورىتىندىنى سارالاي كەلگەندە الدىنداعى ەكى كۇندە قول جەتكىزگەن ەڭ مارتەبەلى 125 بالعا ەشكىم قول جەتكىزە الماعان. 4018 تۇلەك 100-دەن استام بالل جيناعان. بۇل وسى كۇنگى سىننىڭ 16 پايىزىن قۇراپ وتىر. ال وتكەن جىلى, ياعني, 2013 جىلى3231 تالاپ­­­كەر مۇنداي پاتيجەگە قول جەتكى­­زىپ ەدى. ول دەگەنىڭىز, 12,6 پايىز كور­سەتكىشتى ايعاقتار ەدى. سالىس­­تىر­مالى تۇردە الساق وتكەن جىل­مەن العاندا ىلگەرىلەگەننىڭ ءسال عانا بايقالعانىن باعامدار ەدىك. ءۇشىنشى كۇنگى ۇبت بالى ورتا ەسەپپەن العاندا 77,1-ءدى قۇراعان. بۇل باعام وتكەن, 2013 جىلى 74,8 بالل بولىپ ەدى. سالىستىرا قاراعاندا ءسال عانا العا جىلجى­عانىمىزدى بايقايمىز. ەڭ تومەن­­گى كورسەتكىش دەپ سانالاتىن 50 بالدى 5829 تۇلەك جينا­عان. ال بىل­تىرعى جىلى بۇل كورسەت­كىش 7436 ەكەن. بۇل كورسەت­كىشتەر سالىس­تىر­مالى العان­دا ۇبت جوعارى دەڭ­گەيدە ۇيىم­داستىرىلدى دەي الا­مىز. جاس تۇلەكتەردىڭ تالابىنا نۇر جاۋ­سىن! جاس­تار­دى بولا­شاق­تا بيىكتەردەن كورە بەرۋگە جاز­سىن, – دەپ تىلەيىك. «ەگەمەن-اقپارات».