كەمە كاپيتانى يۆان پاۆلوۆتىڭ ايتۋىنا قاراعاندا, بالىقشىلار كاسپي تەڭىزىنەن بالىق اۋلاپ كەلە جاتقان. كەمەگە 7 توننا بالىق تيەلگەن. جايىق وزەنىنە وتۋگە 6 شاقىرىمداي قالعاندا, سۋ كولىگى تاياز جەرگە تىرەلىپ قالعان. ونىڭ مۇز قۇرساۋىندا تۇرعانىنا 3 اپتا بولعان.
– تەڭىز جاقتان قاتتى جەل سوقسا, سۋ كەلەتىن ەدى. ءبىز سونداي ءساتتى كۇتتىك. ويتكەنى تاياز جەردەن شىعىپ كەتۋ مۇمكىن ەمەس. كۇن كۇرت سالقىنداپ, كەمەمىز مۇزدىڭ قۇرساۋىندا قالدى. ەندى كۇن سايىن تاڭەرتەڭ مۇزدى ويىپ ءجۇرمىز. سەبەبى مۇز قالىڭدىعى ءارتۇرلى – ءبىر تۇندە 5 سم, كەيدە 3 سم بولادى. مۇز قالىڭداپ, كەمەنى قىساتىن بولسا, كورپۋسىن جارىپ جىبەرەدى, – دەيدى يۆان پاۆلوۆ.
مۇز قۇرساۋىنداعى كەمەنى «امانگەلدى» جشس بالىقشىلارى كۇزەتىپ ءجۇر. بالىقشىلار كەمەنىڭ مۇز قۇرساۋىندا قالۋىن كانالدار ءتۇبىنىڭ تەرەڭدەتىلمەۋىمەن بايلانىستىرىپ وتىر.
وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلىنىڭ مالىمەتىنشە, جايىق وزەنىندە تەرەڭدەتۋ جۇمىسىن جۇرگىزۋگە 7 ملرد, قيعاش وزەنى بويىنشا 11 ملرد تەڭگە قاجەت. وسىعان بايلانىستى ۇسىنىس تا, سۇرانىس تا ءتيىستى ورگاندارعا, مينيسترلىككە جولدانعان.
اتىراۋ وبلىسى
